Závodszky Levente: A Héderváry-család oklevéltára. második kötet (Budapest, 1922)

castro in eodem constitutes praedicta domina actrix medio nobilium Benedicti de Farnád et Petri Ban de Zabady, iudicum nobilium dicti comitatus Tholnensis repetere habuisset, iidem Franciscus Chakor et Gregorius Gamassy, nedum idem Castrum dictae dominae actrici restituere curassent, verum de propria commissione et mandato praefatorum dominae Chatherinae et Joannis, filii eiusdem praefatos iudices nobilium captivassent, captosque per certum tempus in eodem castro, donee videlicet iam dictae dominae et domini ipsorum placuisset voluntati, tenuissent et conservassent potentia mediante in praeiudicium et dampnum praefatae dominae actricis valde magnum. Quo audito Ambrosius de Beycz pro praefatis domina Chaterina consorte et Joanne filio eiusdem Valentini Therek in causam attractis cum procuratoriis uteris conventus ecclesiae Simigiensis eodem Valentino Therek in captivitate Turcharum existenti, in eandem nostram personalem insurgens praesentiam, respondit ex adverso, quod praefatus Franciscus Héderwary dum adhuc in humanis egisset et antequam praedictam dominam Dorotheam actricem sibi copulasset in coniugem, ob amissionem castri Nandoralbensis per serenissimum quondam Ludovicum regem, praecessorem et sororium nostrum charissimum, universosque status et ordines praedicti regni nostri publiais et notórius infidelis proscriptus fuisset, ob quam quidem notam infidelitatis suae universa bona et quaelibet iura possessionaria ubivis intra ambitum huius regni nostri Hungáriáé et partium sibi subiectarum habita, sed et res et bona sua mobilia amisisset et per hoc nulla bona aut iura possessionaria vel res aliquas de iure habere, dictaeque dominae actrici dare, donare aut legare potuisset, eadem autem domina actrix, cum in confesso sit, quod fuerit pauperula quaedam servitrix et ancilla, domorumque praefati condam Francisci Héderwary purgatrix, neque etiam id in causam attractis constaret, verum ipsa domina actrix titulo nobilitatis fungatur, necne, ob hoc cum fuerit pauperula huiusmodi bona et res in actione sua praenotata specificatas habere, praedictae quoque literae et literalia instrumenta, eo quod universa castra, castella et quae-