Závodszky Levente: A Héderváry-család oklevéltára. második kötet (Budapest, 1922)
mittatis hominem pro testimonio fide dignum, quo praesente Gregorius de Kerezthwr, sin Emericus Newe sew Augustinus sive Andreas de Fanch, nam Ladislaus de Czecze, namque Mathias Petthendy de Alap, vel Michael de Bodmer aut alter Michael Ispan de Thorway, sin Emericus Chakla, vel Johannes Dobozy de Jwllyan, aliis absentibus homo noster ad facies praescriptarum universarum possessionum et quorumlibet iurium possessionariorum dicti condam Michaelis Fekethe ad dictum Castrum suum Wyttham pertinentium sed et aliorum quorumlibet bonorum et iurium possessionariorum eiusdem Michaelis Fekethe ubivis et in quibuscunque comitatibus dicti regni nostri existentium, vicinis et commetaneis earundem et eorundem universis inibi legitime convocatis et praesentibus accedendo, introducat praefatum exponentem in dominium earundem et eorundem, statuatque easdem et eadem eidem heredibusque et posteritatibus suis universis, simul cum cunctis suis utilitatibus et pertinentiis quibuslibet praemisso titulo pignoris possidenda, si non fuerit contradictum. Contradictores vero si qui fuerint, evocet eosdem contra annotatum exponentem ad terminum competentem in curiam nostram regiam, nostram scilicet personalem in praesentiam, rationem contradictionis eorum reddituros, et posthaec huiusmodi introductionis et statutionis seriem, cum contradictorum et evocatorum, si qui fuerint, vicinorumque et commetaneorum, qui praemissae statutioni intererunt cum possessionum ac praediorum, portionumque et iurium possessionariorum inibi statuendorum nominibus, ut fuerit expediens, dictae nostrae personali praesentiae suo modo fideliter rescribatis. Datum Budae, feria sexta proxima post festum nativitatis beatissimae virginis Mariae, anno domini millesimo quingentesimo tricesimo quarto. (1534 szept. 11.) Et iuxta earundem continentiam nos mandatis dicti domini nostri regis in omnibus, ut tenemur, obedire volentes, unacum prenominato Andrea de Fanch, tanquam homine regio, nostrum hominem, videlicet honorabilem et religiosum fratrem Gregorium de Bewlchke presbiterum cruciferum, socium nostrum conventualem ad praemissam statutionem fideliter exequendam nostro pro testimonio fide dignum
