Závodszky Levente: A Héderváry-család oklevéltára. második kötet (Budapest, 1922)
Hoc praescriptum testamentum meum coram egregiis Francisco de Thas, Joanne de Zemche, Francisco literato familiaribus meis fidei sacramento mihi astrictis et honorabili Jacobo praesbitero confessore meo, plebano huius oppidi mei Ozora condidi et determinavi, divina gratia suffragante et huic testamentariae dispositioni domina consors mea in omnibus consensit. Executores praenotati testamenti mei specialiter regiam maiestatem, dominum meum clementissimum relinquo, post maiestatem suam spectabilem ac magnificum dominum Stephanum de Werbeocz, cancellarium regium, Joannem Dombay et Jacobum presbiterum, confessorem meum, plebanum huius oppidi mei Ozora lego, supplico autem regiae maiestati, tanquam domino meo naturali gratiosissimo, dignetur ex innata dementia sua praescriptum testamentum meum in omnibus punctis, clausulis et articulis suis confirmare, eidemque consensum pariter et assensum praestare et in vigore relinquere gratiose, consortemque meam in hoc castro Ozora et curia nobilitari Edelen, ipsiusque castri et curiae nobilitaris pertinentiis universis ac aliis iuribus et bonis una cum eiusdem consortis meae servitoribus defendere, similiter spectabilem et magnificum dominum Stephanum de Werbeocz, ' regiae maiestatis cancellarium dignissimum et Joannem Dombay, dominos et fratres meos observandissimos, confidentissimos, charissimosque rogo, velint hanc praescriptam ultimam voluntatem meam in omnibus clausulis et articulis relinquere intactam, eidemque benivole consentire et approbare, ratique habere, neque oblivionem animae meae habeant ac consortem meam in universis bonis et rebus suis a me legatis simul cum suis servitoribus tueri, cuius consortis meae et tutores esse ne récusent. Datum in castro meo Ozora, die beatae Luciae virginis et martiris, anno domini millesimo quingentesimo tricesimo primo. Báthory Miklós nádor Kávay Mihály kérésére Nebojszán, 1584 máj. 28-ikán kiadott bírói átiratának páriájából a M. Nemzeti Múzeum törzsanyagában Bossányi cs. iratai 1885 aug. 10. jelzet alatt. •
