Radvanszky Béla - Závodszky Levente: A Héderváry-család oklevéltára. első kötet (Budapest, 1909)
Christi fidelibus tam presentibus quam futuris, presencium noticiam habituris, salutem in omnium salvatore. Etsi universis nobis subiectis providere debet regia celsitudo, his tamen propensiori munificentie dono convenit subvenire, qui nostre et reginali domui iugi laborum instancia familiarius obsecuntur. Proinde ad universorum noticiam harum serie volumus pervenire, quod nobilis et magnificus vir Nicolaus filius Nicolai de Hedrehwar, magister ianitorum reginalium, et comes Albensis, ac Tolnensis, fidelis noster et dilectus, nostre serenitatis adiens conspectum, exhibuit nobis quasdam litteras nostras patentes, priori et maiori sigillo nostro in terra Uzure furtive sublato consignatas super quadam gracia et prerogativa libertatis, sibi et fratribus suis per nos dudum facta emanatas, tenoris subsequentis, supplicans nostro culmini regio humili prece et devota, ut easdem ratas habendo et acceptas, pro eodem, necnon Georgio (iiresen hagyva) 1 et Michaeli, filiis condam magistri Stephani fratris sui carnalis eorumque heredibus, nostro dignaremur privilegio confirmare. Cjuarum tenor talis est. (Ldsd 50. sz. alatt.) — Nos itaque iustis et iuriconsonis supplicacionibus prenominati magistri Nicolai clementer exauditis favorabiliter et admissis, pretactas litteras nostras patentes omni vicio et suspicione carentes presentibus de verbo ad verbum insertas acceptamus, approbamus, ratificamus, eosdemque simul cum premissa gracia in earum tenore expressata, pro eodem, necnon filiis prenotati magistri Stephani fratris sui carnalis eorumque heredibus ac posteritatibus universis de plenitudine nostre regie potestatis perpetuo valituras confirmamus, presentis privilegii nostri patrocinio mediante. In cuius rei memoriam firmitatemque perpetuam presentes concessimus litteras nostras privilegiales pendentis et autentici sigilli nostri novi dupplicis munimine roboratas. Datum per manus venerabilis in Christo patris domini Nicolai archiepiscopi Strigoniensis, locique eiusdem comitis perpetui, aule nostre cancellarii, dilecti et fidelis nostri, anno domini millesimo trecentesimo sexagesimo sexto, 1 Ide valoszinuleg «Nicolao, Johanne> nevii testverek lettek volna beirva, vagy legalabb is «Miklos».
