Radvanszky Béla - Závodszky Levente: A Héderváry-család oklevéltára. első kötet (Budapest, 1909)
— o7 — una, parte vero ab altera Andreas litteratus, famulus et procurator magnifici viri Nicolai, filii Nicolai de Hedruhuara, magistri ianitorum reginalium pro eodem domino suo cum litteris nostris procuratoriis coram nobis constituti per eundem magistrum Johannem, filium Johannis de Pecch propositum extitit et relatum, quod ipse possessionem suam Kysbarath vocatam in comitatu Jauriensi existentem, in qua in honore sanctorum Cosme et Damiani martyrum ecclesia foret constructa, que sibi in concambium tercie partis possessionis Gerchyn vocate in comitatu de Barania existentis a filiis condam magistri Thome Rufi de Wecche mediantibus litteris honorabilis capituli ecclesie Nitriensis exinde confectis et per eundem coram nobis exhibitis fuisset devoluta cum omnibus suis utilitatibus, proventibus et usibus annotato magistro Nicolao, filio Nicolai de Hedruhwar pro sexaginta marcis denariorum, pro marca qualibet decem pensis computatis a proximo venturo festo beati Georgii martyris (apr. 24.) usque ad revolucionem eiusdem festi annualem et non ante redimendam pignori obligasset et obligavit coram nobis. Quas quidem sexaginta marcas tali modo solvisset, quod ad illam pecuniam, pro qua porcio sua possessionaria in Gemerew habita mediantibus nostris et annotati capituli Nitriensis litteris fuisset obligata, simul cum ipsa pecunia solvisset et expedivisset; quam quidem porcionem possessionariam ipsius Johannis in eadem Gymurew habitam prelibatus Andreas litteratus auctoritate procuratoria premissa ipsi Johanni, filio Johannis de Pecch nostri in presencia resignavit. Elapso vero ipso festo sancti Georgii martyris quandocunque annotatam possessionem suam Kysbarath pro eisdem sexaginta marcis redimere valuerit, liberam habebit redimendi facultatem, hoc eciam non pretermisso, ut quicunque preallegatum magistrum Nicolaum aut suos heredes racione dicte possessionis Kisbarath impetere vel aggravare niterentur, quo usque ipsam possessionem redimere valuerit, propriis laboribus et expensis expedire et in dominio eiusdem pacifice tenebitur contra omnes conservare; rehabita vero pecunia sua ipse magister Nicolaus aut sui heredes dictam possessionem eidem Johanni resignare tenebuntur. Presentes vero, cum nobis reportate fuerint, nostrum exinde
