Radvanszky Béla - Závodszky Levente: A Héderváry-család oklevéltára. első kötet (Budapest, 1909)

comitis Pauli personaliter exsurgens, quasdam litteras patentes predicti domini Karoli regis, in anno domini millesimo trecentesimo quadragesimo secundo emanatas (1342.), anulari sigillo eiusdem consignatas, eidem comiti Paulo presentasset, in quarum tenoribus inter cetera haberi conspecsisset eo modo, quod predictus dominus Karolus rex super possessionibus ad castrum Thamasy vocatum pertinentibus, in comitatu Tolnensi existentibus et possessione Hedruh nominata, in comitatu Symigiensi existenti ac omnibus possessionibus aliis, ubique existentibus ad ipsum castrum et ad easdem possessiones spectantibus, talibus scilicet, quas idem dominus Karolus rex eisdem facto cum ipsis concambio perpetuo dedisset et que in litteris eiusdem ipsum concambium exprimentibus contineretur, medio tempore, donec metas earundem possessionum in toto ambitu ipsarum iustificaret et erigi faceret, iudicare vel suo compellere, astare iudicatui non auderet, regio sub edicto firmis sibi dedisset in mandatis, si qui autem aliquid iuris et proprietatis de ipsis possessionibus per eundem dominum regem .eis datis se crederent et dicerent habere, illi iura et instrumenta sua super possessionibus talibus confecta coram sua maiestate deberent notificare et exhibere, quia sicut in ipsis literis suis privilegialibus contineretur superdictis possessionibus, per ipsum dominum regem eis pro predicto concambio datis, ipse dominus Karolus rex ab omnibus teneretur eosdem expedire. Adiecerat eciam dictam possessionem Borsker, alio nomine Remete appellatam, in premisso concambio per regiam clemenciam eis datam ad castrum Thamasy pertinuisse et debere pertinere, ad huiuscemodi itaque sue allegacionis evidenciorem comprobacionem tria paria litterarum inquisicionalium honorabilis capituli Albensis ecclesie et conventuum Symigiensis ac Cruciferorum domus hospitalis de Alba regali ad regium litteratorium edictum sue celsitudini rescripcionalia in examine iudiciario ipsius comitis Pauli demonstrarant, per quarum tenores tandem possessionem Remete, alio nomine Borsker vocatam Philippum de Kanya habuisse et possedisse, in eademque ecclesiam lapideam in honorem Virginis gloriose construi fecisse, funusque eius in eadem ecclesia ecclesiastice sepulture tradittum extitisse, et demum eodem Philippo viam universe carnis