Radvanszky Béla - Závodszky Levente: A Héderváry-család oklevéltára. első kötet (Budapest, 1909)
390. 1519 mdjus 12, Hedervari Katalin, Rozgonyi Istvanne vegrendelcte. In nomine domini, Amen. Anno salutifere incarnacionis domini millesimo quingentesimo decimo nono. Ego Katherina de Hederwara, conthoralis magnifici domini Stephani de Rozgon, quamvis corpore egro, mente tamen per omnia sana et racione incolumis, senciens et intelligens me divina ex voluntate sive permissione migrare ex hoc nequam seculo et ne post mortem meam orirentur lites, rixe, sive discordie inter maritum meum, videlicet magnificum dominum Stephanum de Rozgon et germanum meum, videlicet magnificum dominum Franciscum de Hederwara, hec omnia volens prevenire feria quinta proxima ante festum beate Sophie vidue et martyris (1519. mdj. 12.) coram honorabili domino Nicolao, plebano et vicearchidiacono de Warano ac egregiis et nobilibus dominis, videlicet Johanne de Berzewyce, Francisco et Christoforo de eadem, Emerico de Kellemes, Stephano Horw r ath de Myhalco, Mathia de Mathwsfalwa, Johanne de Kosmafalwa ac nobilibus et honestis dominabus, videlicet domina Elena, uxore Georgii Chapi et domina Elena, relicta Nicolai de Pastho ac domina Ursula, uxore Johannis de Berzewice ac aliis quamplurimis fide dignis personis, de bonis meis et rebus a summo deo mihi collatis tale ultimum et irrevocabile facio et condo testamentum: Item primo animam meam peccatricem commendo omnipotenti deo ac eius illibate genitrici virgini Marie, corpusque meum terre. Item dotalicium sive res parafernales, quas maritus meus, videlicet magnificus dominus Stephanus de Rozgon post mortem meam teneretur persolvere, eidem relaxo et remitto. Item habeo quandam tunicam de purpure rubei coloris, quam mihi magnificus dominus Andreas de Bathor portaverat; eandem lego, ut ex illa casulam preparent et disponant ad capellam beate virginis Marie de Annunciacione. Item habeo unam suham de purpure flavei coloris subductam pellibus variolinis; eandem lego ad predictam capel-
