Radvanszky Béla - Závodszky Levente: A Héderváry-család oklevéltára. első kötet (Budapest, 1909)
eadem eisdem plenarie reddidisset et integre restituisset, ymmo iidem reddidisse et plenarie restituisse retullerunt coram nobis. Super qua quidem plenaria et integra restitucione prescriptarum universarum literarum et literalium ipsorum instrumentorum, factum, ut premittitur, universarum possessionum, porcionumque et quorumlibet iurium eorum possessionariorum tangencium et concernencium, sed et aliarum quarumlibet rerum et bonorum prefati condam Francisci Hederwary in manus prefate domine Katharine deventarum prememorati Stephanus et Emericus de ipsa Hederwar annotatam dominam Katherinam relictam quitam, expeditam, absolutamque et per omnia satisfactam reddidissent et commisissent, ymmo reddiderunt et commiserunt nostro in conspectu. E converso autem pretitulata domina Katherina annotatos Stephanum et Emericum de dicta Hederwar et eorundem heredes universos super plenaria et integra satisfaccione dotum et rerum paraffernalium suarum eidem de universis possessionibus porcionibusque et quibuslibet iuribus possessionariis, sed et quibuslibet aliis rebus et bonis quovis nomine appellatis dicti condam Francisci Hederwary, prioris domini et mariti sui ubivis et in quibuscunque comitatibus existentibus iuxta regni consuetudinem provenire debentibus similiter quitos, expeditos modisque omnibus absolutos et satisfactos reddidit et commisit nostri in presencia tali obligaminis vinculo per predictas utrasque partes interposito, ut si qua parcium prescriptarum aut heredes ipsarum premissa in toto vel in parte observare nollet aut violare attemptaret, extunc talis pars violans contra partem alteram in premissis persistens ante litis ingressum in sexingentis florenis auri puri convincatur et convicta habeatur eo facto, ad que premissa observanda se partes prescripte personali earum astancia sponte obligarunt coram nobis harum nostrarum vigore et testimonio presencium mediante. Datum die dominico proximo post festum beati Marci ewangeliste, anno domini millesimo quingentesimo quarto. Eredetije papiron. hatlapjan a pecset nyomaival, fasc. 3. Nr. 25.
