Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Dalmacie, Croacie etc. damus pro memoria, quod nobis feria sexta videlicet in festo beati Marcelli pape (jan. 16.) unacum dominis prelatis, baronibus et regni nobilibus hic Bude penes prefatum dominum nostrum regem constitutis et existentibus egregius Paulus de Hederwara personaliter in nostram veniens presenciam egregium Oswaldum de eadem Hederwara coram nobis similiter personaliter ac facie ad faciem repertum, eundem ab ulteriori detencione et conservacione directe et equalis medietatis possessionis Lypolthfalwa vocate in comitatu Posoniensi existentis eundem Paulum de Hederwara iure hereditario concernentis usuque fructuum ac quarumlibet utilitatum eiusdem percepcione sew percipifaccione prohibuit et contradixit publice et manifeste coram nobis. Quo audito prefatus Oswaldus de dicta Hederwara personaliter ut premittitur in eandem nostram ex(s)urgendo presenciam, nolens huiusmodi personalem prohibicionem contra se acrescere permittere, respondit ex adverso, quomodo dicta medietas prescripte possessionis Lypolthfalwa eidem vigore instrumentali attineret, super eademque litteras et litteralia instrumenta pro sui parte haberet confectas et emanata, quas et que ipse non ad presens, sed in termino ulteriori per nos eidem dando exhibere promptus esset et paratus. Pro eo nos hys perceptis iudicantes commisimus eo modo, ut annotatus Oswaldus de Hederwara universas litteras et litteralia instrumenta, si quas et que in facto medietatis antelate possessionis Lypolthfalwa pro sui parte habet confectas et emanata, in octavis festi beati Jacobi apostoli nunc venturis (aug. 1.) coram nobis producere et exhibere debeat et teneatur, quibus visis iudicium et iusticiam facere valeamus inter partes in premissis dictante iuris equitate. Datum Bude predicta, tercio die termini prenotati, anno domini millesimo quadringentesimo septuagesimo quinto. A gyori kaptalan 1478 szeptember 25-en kelt oklevelebol. (Lasd 311. sz. a.)