Radvanszky Béla - Závodszky Levente: A Héderváry-család oklevéltára. első kötet (Budapest, 1909)
obsequia serenissimo principi domino Karulo, dei gracia illustri regi Hungarie, consorti nostro karissimo et nobis impensa rememorans et declarans a nobis humiliter postulavit, ut quasdam terras nostras reginales Zokol, Endred et Pukud vocatas, in comitatu Tolnensi habitas, quas iamdudum idem dominus noster rex mediantibus suis literis privilegialibus simul cum aliis possessionibus eidem contulerat, nostrum consensum et assensum predicte collacioni regie adhibendo iuxta collacionem regalem et nos sibi dare et conferre perpetuo dignaremur. Nos igitur, ut ex debito reginalis excellencie uniuscuiusque meritoria servicia et serviciorum merita racionis calculo metiri debemus et pensare, peticiones eiusdem magistri Nicolai iustas et iuri consonas favorabiliter attendentes, considerantesque iidelitates obsequiosas laude dignas ipsius magistri Nicolay, quas eidem domino nostro regi in diversis expedicionibus regni sui, prout certo certius ad nostre noticiam pervenit maiestatis, variis locis et temporibus exhibuit et impendit fideliter et indefesse, volentes predicto magistro Nicolao pro suis fidelibus serviciis ex liberalitate reginali correspondere muneribus donativis, predictas terras nostras reginales Zokol, Endred et Pukud existentes cum omnibus utilitatibus suis et pertinenciis; sessionibus videlicet terris arabilibus et campestribus, vineis, pratis et aliis circumstanciis universis, sub eisdem metis et terminis, quibus per iobagiones nostros habite fuerunt et possesse, dicte collacioni regie consensum prebentes reginalem unacum suorum successoribus iure perpetuo et irrevocabiliter possidendas, tenendas pariter et habendas, premissam donacionem seu collacionem presentis scripti patrocinio perpetuo confirmantes ex certa sciencia cum plenitudine gracie reginalis. Ut igitur huius nostre donacionis et collacionis, approbacionis et ratificationis series robur obtineat perpetuo firmitatis, presentes concessimus literas privilegiales duplicis sigilli nostri munimine roboratas. Datum per manus venerabilis patris domini Herrici dei gracia episcopi Wesprimiensis et comitis loci eiusdem, aule nostre cancellarii fidelis nostri, anno domini millesimo trecentesimo, vicesimo septimo, decimo septimo Kalendas Julii. Eredetije hartyan fuggo pecsettel, fasc. 50, Nr. 1 jelzes alatt.
