Radvanszky Béla - Závodszky Levente: A Héderváry-család oklevéltára. első kötet (Budapest, 1909)

28. 1326 augusztus 10. A pozsonyi kaptalan jelenti, hogy I. Karoly kiraly parancsara, Orros Peter pozsonyi varnagyot az ilkai nemes jobbagyoktol megvett Apka nevii birtokba beigtatja es hatarat megjaratja. Excellentissimo domino suo domino Karolo dei gracia illustri regi Hungarie capitulum ecclesie Posoniensis oraciones in filio Virginis gloriose humilimas et devotas. Literas vestre serenitatis recepimus cum debita reverencia, qua decuit hunc tenorem continentes: Karolus dei gracia rex Hungarie fidelibus suis, capitulo ecclesie Posoniensis salutem et graciam. Noveritis, quod magister Petrus, dictus Orros, castellanus castri Posoniensis ad nostram accedens presenciam petiit humiliter. ut possessionem Apka vocatam a nobilibus iobagionibus castri Posoniensis de Ilka mediante privilegio nostro precio comparatam sibi iuxta regni consuetudinem statui facere et tandem privilegio nostro confirmari dignaremur, ipsam vendicionem et empcionem ratificando, dictamque possessionem, si aliquali titulo nostre collacioni pertineret, conferendo; super quo fidelitati vestre precipimus per presentes, quatenus vestrum mittatis hominem pro testimonio (fidedignum), quo presente Petrus de Tukwlchen, vel Ladislaus filius Pawlini, altero absente homo noster prefatam possessionem vicinis suis et commetaneis convocatis per veras metas et antiquas reambulando ac in eadem possessione legitimis diebus commorando cunctisque publicando vendicionem et empcionem possessionis memorate et si per huiusmodi legittimum processum dictam possessionem per dictos nobiles iobagiones castri de iure potuisse, vendidisse et aliqualiter nostre collacioni pertinere invenerint, statuat eandem predicto magistro Petro et suis heredibus pleno iure ac sub iipsius (igy) empcionis et nostre donacionis titulo perpetuo et irrevocabiliter possidendam et habendam, si non fuerit contradictum. Contradictores vero si qui fuerint, contra eundem magistrum Petrum ad nostram citet presenciam ad terminum competentem, et post hec tocius facti seriem cum cursibus metarum nobis fideliter rescribatis. Datum in Wysse-