Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Christo pater dominus Nicolaus Baryus, dei et apostolice sedis gracia episcopus ecclesie Quinque-Ecclesiensis dominus scilicet et frater prefatorum Ladislai Barius et Demetrii in ultimo eiusdem testamento pro quibusdam duobus milibus florenorum auri aput manus executoris sui testamenti per eundem relictorum aliquas possessiones aut aliarum perpetuarum rerum utilitates prefato Ladislao Barius et suis heredibus emendas disposuisset et testatus extitisset, tali tamen interiecta condicione, ut quidam Albertus literatus, frater scilicet carnalis antedicti Demetrii de Abbafalwa, nunc, ut fertur, in studio Cracouiensi proficiens, quoadusque suum studium in artibus liberalibus, teologia aut iure canonico, vel aliis quibuscunque literarum studiis vel artibus continuaret, de proventibus huiusmodi possessionum vel aliarum perpetuarum rerum utilitatum expensas congruas et sufficientes semper habere et percipere deberet atque possit; supplicassentque eisdem domino nostro episcopo et domino Paulo fratri eiusdem iidem Ladislaus Barius et Demetrius de Abbafalwa humiliter instando, ut iidem dominus noster episcopus et predictus dominus Paulus, frater eiusdem tum pro eorundem, tumque prefati condam domini Nicolai episcopi testatoris salute taliter eisdem succurrere dignarentur, ut disposiciones predicte iuxta ultimam voluntatem dicti domini testatoris debitum sortirentur effectum, ac predictis duobus milibus florenis auri per varias moras deperiri non contingeret; ob hocque ipse dominus noster episcopus et dictus dominus Paulus frater eiusdem huiusmodi salubrem disposicionem antefati condam domini Nicolai episcopi diligenter advertentes, supplicacionibusque antefatorum Ladislai Barius et Demetrii gratanter auditis et exauditis, primo et principaliter pro salute eorundem et dicti condam domini Nicolai Barius episcopi, qui ipsis locis et temporibus opportunis, signanter autem tempore condam serenissimi principis domini Ladislai Hungarie et Bohemie regis etc, quo scilicet cancellariatus eiusdem domini nostri regis egisset et conservasset officium, plurimas eisdem exhibuisset conplacencias et servicia, tumque pro certa pecuniarum sumpma infranotanda possessiones eorundem Hangon et Zylazo yocatas in Gewmeriensi ac Zagy-