Radvanszky Béla - Závodszky Levente: A Héderváry-család oklevéltára. első kötet (Budapest, 1909)
modo rei publice et pacis reformacione, uti vir pacis amator, ceteris singularius et specialius viis et modis salubribus adiectis ordinate direxit et promovit, per cuius direccionem ad maximam partem pax ea ; que altissimo concedente iam viget in regno hoc, re vera est secuta, pretactas literas iam fati capituli Budensis quo ad omnes suas continencias, clausulas et articulos, dempta dumtaxat et excepta ea sui parte et clausula, in qua predicta nostra opida Hod et Wasarhel cum earum pertinenciis denominant et denotant, in quorum scilicet opidorum et pertinenciarum eorum dominio nos fuimus ac sumus et persistimus de presenti, queque nobis pertinent, pleno iure ratas, gratas et acceptas habentes prescriptis fraternali coadunacioni, adopcioni ordinacionique et disposicioni et generaliter ceteris omnibus et singulis literis in eisdem contentis et expressis perscripte nostre gubernacionis auctoritate nobis attributa dominorum eciam prelatorum, baronum et nostrorum consiliariorum maturo ad id accedente consilio nostrum consensum benivolum prebuimus, ymmo prebemus pariter et assensum. Nichilominus iidem domini Laurencius palatinus et Emericus banus literas serenissimi principis domini Wladislai regis super premissis consensuales pretactas literas capituli Budensis similiter in se verbaliter continentes nobis presentarunt, quas quidem literas ipsius domini Wladislai regis et sue serenitatis regium consensum per omnia ratificamus, acceptamus, roborque et vires habere volumus perpetue et in sempiternum. In cuius rei memoriam firmitatemque perpetuam presentes concessimus eisdem dominis Laurencio palatino, et Emerico bano literas nostras privilegiales pendentis et autentici sigilli nostri munimine roboratas. Datum in civitate Pestyensi, octavo die festi Nativitatis beati Johannis Baptiste, anno domini millesimo quadringentesimo quadragesimo sexto. Eredetije hartyan, vereskek selyemsodratrol fiiggo pecsettel, fasc. 4, Nro 2.
