Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Ruscie significamus harum tenore, quibus incumbit, universis, quod celsitudinis nostre adiens in conspectum fidelis noster sincere dilectus magnificus vir Laurencius de Hedrehwara, dicti regni nostri Hungarie palatinus et sua, ac similiter magnifici Emerici de eadem, bani nostri Machouiensis, filii scilicet sui, personis exhibuit nobis et presentavit quasdam literas honorabilis capituli ecclesie Budensis super fraternali coadunacione, et coniunccione inter ipsos Laurencium palatinum ac Emericum banum ab una, necnon fidelem nostrum magnificum Henricum filium Wayuode de Thamasy ab alia partibus in universis eorum castris, opidis, possessionibus et porcionibus possessionariis ac earundem pertinenciis in quibuscunque locis ac comitatibus intra ambitum huius regni nostri Hungarie ac alias ubivis habitis et quovis nominis vocabulo vocitatis, matura inter se ipsos deliberacione prehabita, sed et ob zelum fraternum in perpetuum factis, privilegialiter confectas tenoris subsequentis, supplicans idem Laurencius palatinus suo et dicti filii sui, nominibus celsitudini nostre humiliter, ut eisdem fraternali coadunacioni et disposicioni inter eos quo supra factis, sed et omnibus infra in tenore predictarum literarum capituli Budensis declarandis nostrum regium consensum prebere dignaremur pariter et assensum. Ouarum quidem literarum predictarum tenor is est: Ldsd a budai lidptalan 1443 janudr 25-iki oklevelet 169. sz. alatt. Unde nos supplicacioni dicti Laurencii palatini nobis modo quo supra porrecte benigne inclinati, prescriptas literas annotati capituli ecclesie Budensis non abrasas, non cancellatas, nec in aliqua sui parte suspectas, sed mere et sincere veritatis integritate prepollentes presentibusque de verbo ad verbum sine diminucione et augmento aliquali insertas, quoad omnes earum continencias, clausulas et articulos approbamus, acceptamus et ratificamus, ac eidem fraternali coadunacioni et coniunccioni, sed et aliis omnibus et singulis premissis superius in tenoribus dictarum literarum privilegialium capituli Budensis limpidius expressatis et denotatis nostrum regium benivolum consensum prebuimus, imo prebemus pariter et assensum. Nihilominus eciam consideratis multimodis fidelitatibus, gratuitis complacenciis, et sinceris famulatibus predic-