Radvanszky Béla - Závodszky Levente: A Héderváry-család oklevéltára. első kötet (Budapest, 1909)
tes, quibus expedit, universis, quod fidelis noster egregius Paulus, filius condam magnifici Georgii de Hedrehwara, magistri agazonum olim gloriosi principis domini Sigismundi, Romanorum imperatoris ac prefati regni Hungarie etc. regis, felicis memorie predecessoris nostri, nostre celsitudinis veniens in presenciam, nobis pro parte et in personis nobilium puelle Katherine sibi desponsate et domine Elizabet, consortis magnifici Johannis de Korogh, iudicis curie nostre, filiarum videlicet condam egregii Johannis, filii Ladislai, filii Pauli, filii Stephani de Gara exposuit querulose, quod licet prefatus condam Johannes, genitor ipsarum puelle et domine, simulcum condam magnifico Desew, filio predicti Pauli, filii annotati Stephani de ipsa Gara. bani Machouiensis, fratre scilicet suo patrueli, castrum Darnowcz nuncupatum, in regno nostro Sclauonie, in comitatu Crisiensi existens ad manusque prefati condam domini Sigismundi imperatoris et regis racionabilibus de causis deventum ab eodem condam domino Sigismundo pro certis pecuniarum sumpmis cum cunctis ipsius castri utilitatibus et pertinenciis iure perennali emerint et dum vixissent, ambo pariter tenuerint et possederint. Tamen ipsis ambobus, Desew scilicet bano et Johanne defunctis, ipsique Desew bano filio masculino, prefato vero Johanni pretactis duabus filiabus superstitibus remanentibus nobilis domina relicta et prefatus filius prelibati Desew bani idem castrum simulcum dictis suis pertinenciis, ipsos condam Desew banum et Johannem a prenominato condam domino Sigismundo imperatore et rege non pro pecunia emisse, sed mediantibus eorum fidelibus serviciis acquisivisse et optinuisse, ex eoque idem castrum cum dictis pertinenciis solummodo masculini et non feminini sexus proles ipsorum concernere allegantes, easdem filias ipsius Johannis de dominio dicti castri et pertinenciarum suarum predictarum eicere et excludere conarentur in eorundem preiudicium et iuris derogamen valde ingens. Litere eciam ipsius condam domini Sigismundi imperatoris et regis superinde pro ipsorum Desew bani et Johannis parte confecte, quarum copia, ut creditur, in libris et registris eiusdem domini imperatoris et regis, de et super donacionibus possessionariis, tempore sui factis, emanatis et confectis, in domoque sua tavarnicali, nunc
