Radvanszky Béla - Závodszky Levente: A Héderváry-család oklevéltára. első kötet (Budapest, 1909)
quondam domino Sigismundo imperatori, genitori nostro simul cum aliis certis possessionibus et porcionibus possessionariis suis pro aliis quibusdam possessionibus et porcionibus possessionariis vi concambialis permutacionis tradidisset, simulcum cunctis suis utilitatibus et pertinenciis quibuslibet vigore aliarum literarum nostrarum donacionalium exinde confectarum prefatis Johanni et Georgio ac per eos Erbardo, Johanni, Paulo, Vilhelmo et Jacobo, fratribus carnalibus eorundem, ipsorumqe heredibus et posteritatibus universis de manibus regiis auctoritate prefati domini nostri regis et conthoralis, per eum in moderna sua absencia, ipso nunc in partibus Bohemie pro reformacione pacis laborante maiestati nostre data et concessa in perpetuum duxerimus conferendam, velimusque ipsos per nostrum et vestrum homines in dominium eiusdem legittime facere introduci. Igitur fidelitati vestre firmiter precipiendo mandamus, quatenus vestrum mittatis hominem pro testimonio fide dignum, quo presente Ladislaus, aut Sebastianus de Apa, vel Dominicus de Chepeny, aliis absentibus homo regius ad faciem dicte porcionis possessionarie, vicinis et commetaneis eiusdem universis inibi legittime convocatis et presentibus accedendo introducat prefatos Johannem, Georgium, Erhardum, alterum Johannem, Paulum, Wilhelmum et Jacobum in dominium dicte porcionis possessionarie, statuatque eandem eisdem premisse donacionis titulo ipsis incumbenti perpetuo possidendam, si non fuerit contradictum. Contradictores vero si qui fuerint, evocet ipsos contra memoratos Johannem, Georgium, Erhardum, alterum Johannem, Paulum, Vilhelmum et Jacobum regiam in presenciam, ad terminum competentem racionem contradiccionis eorundem reddituros, et post hec huiusmodi introduccionis et statucionis seriem cum contradictorum et evocatorum, si qui fuerint, vicinorum eciam et commetaneorum, qui premisse introduccioni et statucioni intererunt, nominibus modoque assignato eidem domino regi fideliter rescribatis. Datum Bude feria secunda proxima post festum beati Valentini martyris, anno domini millesimo quadringentesimo tricesimo nono. (1439 febr. 16.) Nos igitur preceptis et mandatis dicte domine nostre regine in omnibus obedire cupientes, ut ex debito tenemur,
