Radvanszky Béla - Závodszky Levente: A Héderváry-család oklevéltára. első kötet (Budapest, 1909)

universis inibi legitime convocatis et presentibus accedendo introducat prefatos Laurencium palatinum, Stephanum et Emericum filios eiusdem in dominium eiusdem, statuatque idem eisdem premisse nostre donacionis titulo perpetuo possidendum, si non fuerit contradictum. Contradictores vero, si qui fuerint, evocet ipsos contra annotatos Laurencium palatinum ac filios eiusdem nostram in presenciam ad terminum competentem racionem contradiccionis eorum reddituros, et post hec huiusmodi introduccionis et statucionis seriem cum contradictorum et evocatorum, si qui fuerint, vicinorumque et commetaneorum, qui premisse statucioni intererunt, nominibus et termino assignato nobis fideliter rescribatis. Datum Bude, feria tercia proxima post dominicam Iudica, anno domini millesimo quadringentesimo tricesimo octavo. (1438 dpr. 1.) Nos itaque preceptis eiusdem regie maiestatis humiliter obedire cupientes, ut tenemur, unacum prefato Ladislao de dicta Apostal homine regio nostrum hominem, videlicet honorabilem virum magistrum Lazarum socium et concanonicum nostrum ad premissa fideliter peragenda nostro pro testimonio transmisimus fide dignum, qui tandem exinde ad nos reversi nobis concorditer retulerunt, quomodo ipsi feria quarta proxima post festum Pasce domini(dpr,16.)^voximQ preteritum, ad faciem prescripti predii Kenderthow vocati in dicto comitatu Albensi situati vicinis et commetaneis eisdem universis, videlicet religioso viro domino fratre Stephano abbate de Kerezthwr, Thoma Posa de Zaak, Johanne de Zenthelzebeth, Nicolao literato ac Johanne Wadas dicto de eadem Zenthelzebeth inibi legittime convocatis et presentibus accedendo introduxissent prefatos Laurencium palatinum, Stephanum et Emericum filios eiusdem palatini in dominium eiusdem, statuissentque idem eisdem premisso regio donacionis titulo perpetuo possidendum, tenendum pariter et habendum nullo contradictore inibi apparente, legittimis tamen diebus et horis in facie dicti predii moram protrahendo. In cuius rei memoriam firmitatemque perpetuam presentes literas nostras privilegiales pendentis et autentici sigilli nostri maioris munimine roboratas eisdem duximus concedendas. Datum vigesimo die diei introduccionis et statucionis predictarum, anno domini supradicto, reverendo