Radvanszky Béla - Závodszky Levente: A Héderváry-család oklevéltára. első kötet (Budapest, 1909)

ficamus, eas nichilominus requirentibus ipsius Nicolai fidelitatibus et fidelium serviciorum laude dignis meritis et sinceris complacenciis nobis per ipsum locis et temporibus incumbentibus, sumpma cum fidelitatis constancia laudabiliter, ferventer et sedule exhibitis et impensis, simulcum donacione et nostra nova perhempnali collacione, necnon legittima statucione possessionaria, premissis superius in tenore earundem geminarum litterarum lucidius et clarius contentis et expressatis, mera autoritate regia et potestatis plenitudine ac ex certa nostre maiestatis sciencia, prelatorum eciam et baronum nostrorum consilio prematuro ac uniformi eorundem decreto pro annotato Nicolao, ipsiusque heredibus et posteritatibus universis innovantes, perpetuo valituras confirmamus presentis nostri scripti patrocinio mediante, sine dumtaxat preiudicio iuris alieni. In cuius rei memoriam, firmitatemque perpetuam presentes concessimus litteras nostras privilegiales pendentis autentici sigilli nostri duplicis munimine roboratas. Datum per manus reverendi in Christo patris domini Eberhardi, eadem dei et apostolice sedis gracia episcopi Zagrabiensis, aule nostre sumpmi cancellarii, dilecti et fidelis nostri, anno domini millesimo quadringentesimo sexto, quintodecimo Kalendas Maii, regni autem nostri anno decimo octavo. Venerabilibus in Christo patribus, dominis Valentino tituli sancte Sabine sacrosancte Romane ecclesie presbitero cardinali et ecclesie Quinqueecclesiensis gubernatore, Johanne Strigoniensi, Colocensi et Jadrensi sedibus vacantibus, Andrea Spalatensi, et altero Andrea Ragusiensi archiepiscopis, Varadiensi sede vacante, Stephano Transsilvanensis, eodem domino Eberhardo Zagrabiensis, Agriensi sede vacante, Johanne Boznensis, Wesprimiensi sede vacante, Joanne Jauriensis, Vaciensi sede vacante, fratribus Dosa Chanadiensis, Hinkone Nitriensis electis et Thoma Senniensis ecclesiarum episcopis, ecclesias dei feliciter gubernantibus, Sirimiensi, Traguriensi, Scardonensi, Tinniniensi, Nonensi, Sibinicensi, Macharensi, Pharensi, et Corbauiensi sedibus vacantibus; necnon spectabilibus et magnificis viris, domino Hermano, comite Cily ac Zagorie, Dalmacieque et Croacie predictorum ac Sclauonie regnorum nostrorum bano, socero nostro carissimo, Nicolao de Gara, regni nostri palatino, Johanne filio Herrici