Radvanszky Béla - Závodszky Levente: A Héderváry-család oklevéltára. első kötet (Budapest, 1909)
habendo super premissis iudicio officio nostri palatinatus exigente nostram aliorumque prelatorum et baronum suorum in presenciam transmisisset decidendam. Tandem nobis in octavis festi Puriflcacionis beate Virginis (febr. 9.) unacum ipsis prelatis et baronibus, ceterisque regni proceribus pro faciendo iudicio causantibus in sede nostra iudiciaria sedentibus memorati magistri Nicolaus, Emericus et Demetrius presente magistro Jacobo iudicatum specialis presencie ipsius domini nostri regis gerente legitimo eiusdem domini nostri regis procuratore et sindico generali in nostrum, dictorumque prelatorum et baronum conspectum venientes et dictam eorum querimoniam ipsi domino nostro regi modo quo supra porrectam suo modo reiterantes, eis in premissis per nos, dictosque prelatos et barones medelam equitatis petierunt elargiri. Cjuo audito ipso magistro Jacobo in persona regia premissis allegacionibus dictorum actorum in nullo contrariante, quia absque legitima estimacione dictorum universorum iurium possessionariorum hereditariorum prefatorum condam Stephani et Pauli ubilibet habitorum prescripta solucio pretextu premissorum ipsis magistris Nicolao, Emerico et nobili domine consorti magistri Demetrii eo modo et debito modo fieri non posse, nobis eisdemque prelatis et baronibus nobiscum pro examine huius cause in iudicio sedentibus et super hys diucius tractantibus videbatur, pro eo cum eisdem prelatis et baronibus dicta iura possessionaria quilibet prescriptorum Pauli, filii Douse, necnon Stephani, filii Jacobi, filii eiusdem Dose estimare committentes, vestram amiciciam presentibus petimus diligenter, quatenus vestrum mittatis hominem, pro testimonio fide dignum, quo presente magister Paulus de Kowar, prothonotarius noster, per dominum nostrum regem specialiter ad id deputatus ad facies prescriptorum universorum iurium pretitulatorum Pauli, filii Dose et Stephani, filii Jacobi, filii eiusdem Dose ubilibet habitorum et qualicunque nominis vocabulo vocitatorum, vicinis et commetaneis eorundem universis inibi legitime convocatis et presentibus accedendo, ipsa, visis et rescitis quibuslibet utilitatibus eorum, in condigno eorum valore denariorum ferendo pre oculis, cum aliis probis viris estimet lege regni requirente, et post hec ipsius possessionarie estimacionis seriem
