Radvanszky Béla - Závodszky Levente: A Héderváry-család oklevéltára. első kötet (Budapest, 1909)

ordine separasset et distinxisset, quod primo de prefata villa Dyozegh exeundo et declinando ad partem sinistram versus septentrionem invenisset unam metam aquosam dispositam ad modum fossati Paptaere vocatam, cuius medietas pertinet ad villam Dykenes Mached et alia medietas versus meridiem ad villam Dyozegh, abhinc descendendo versus ecclesiam beate Margarete penes quendam ortum Pdpzeg vocatum circa dictam ecclesiam in parte sinistra versus septentrionem erexisset unam metam iuxta unum rubetum spinosum, deinde procedendo versus orientem penes eundem rubetum in quadam via antiqua inter terram dicte ville Dykenes Mached et eciam dicte ecclesie beate Margarethe in fine rubeti erexisset unam metam, que dividit terram prefate ville Dykenes Mached versus septentrionem et terram dicte ecclesie versus meridiem ulterius versus orientem in quodam prato usque ad quandam vallem parvam et aquosam et ibi erexisset unam metam, que similiter dividit terram ville Dykenes Mached et terram dicte ecclesie sancte Margarethe; abhinc eundo versus meridiem usque ad quandam aquam fluentem, Sard vocatam, erexisset unam metam et ibi finitur terra predicte ecclesie, et ibi saliendo dictam aquam pervenitur ad terram ville Dyozegh et iuxta eandem aquam incedendo versus orientem ultra unum fossatum parvum, in eodem prato erexisset unam metam, que dividit terram Dykenes Mached a terra ville Dyozegh. Ulterius in eodem prato procedendo erexisset duas metas; deinde modicum incedendo in eodem prato per directum invenisset tres metas antiquas,. quarum una versus septentrionem pertinet ad villam Dykenes Mached, alia versus orientem ad villam Bekemached et tercia ad villam Diozegh et ibidem penes easdem erexisset tres novas metas; dehinc procedendo versus meridierri ultra quandam aquam Pantakwth vocatam invenisset unam antiquam metam, penes quam erexisset unam novam metam. Abhinc parum procedendo in dicto prato erexisset unam metam, que dividit terram Bwke Mached a terra ville Dyozegh et ibi finitur terra Dykenes Mached. Deinde pervenit ad pratum Bustelek vocatum, ubi erexisset unam metam, que dividit dictum pratum Bustelek a terra ville Dyozegh. Ulterius eundo ad unam vallem, que dividit duo prata, unum videlicet pre-