Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1820 24a. A piae memoriae denato Archi-Praesule Colocensi quot annis praestari solitas duas foeni orgias ab Excelsa Camera itidem resolutas percepimus.527 Initio mensis absolutis jam sacris Regiis pro Armo superiore, immo etiam 221 pro triennio adsignatis, deficientibus penitus fere missarum stipendiis, gratuito utplurimun celebrare necessitabamur; cujusmodi quidem defectus Conventus hic haud recordatur adusque. [Februarius] Februar[ius] 5a. Nominatus per Suam Majestatem Sacratissimam pro Comitatu Bacsiensi Comissarius R. Ulmus D. Ladislaus Melczer, de Kelemés, S. C. et R. A. M. Consiliarius, et Eques Auratus, nec non Tabulae Septemviralis Co-Judex, dudum exspectatus advenit, a DD. Officialibus Comitatensibus digne exceptus, ac in castello Cels[issimi] Princ[ipis] Grassalkovich hospitium sumens.528 Die sequente, utpote dominico, in ecclesia nostra plus tribus horis pientissime, ac in omnium adstantium animis singularis devotionis, quam ipse vir religiosissimus praeseferre visebatur, sensum ciens, divino vacabat cultui, plura Sacra lecta, concionem Germanicam, et Cantatum devotissime audiendo. Capta vero isthic eadem die requie, die 7a. Officialibus Comitatensibus omnibus Zomborinum pridie properare jussis, comite Filio suo Joanne, ceu Secretario, aliisque Spectabilibus Dominis eodem descendit. 12. Vota pro Rege nostro Apostolico natalem celebrante Deo offerebantur in ecclesia parochiali, praesentis omnis dignitatis et ordinis conspicuis viris, pompam faciente milite civico et militari. Divinis vero praemittebantur sermones in laudem Suae Majestatis latino ac hungarico idiomate coram congregata in aedibus Gymnasialibus juventute Scholastica, Magistratu civico et Clero quoque Praesentibus. [Martius] Mart[ius] 18a. Oblata sunt duo anathemata, unum in figura maris genuflexi; alterum dentem molarem referens, simul semialteram unciam ponderantia; quae ad aram B. V. in Capella adpensa cernuntur. 23a. R. P. Josephus Matzek cum duodecim suis Studentibus Tentamen Semestrale ex Jure Ecclesiastico Publico in communi triclinio habuit. Mensis isthic requisitae suae qualitati haudquaquam respondit, utpote totus fere pluviosus et nebulosus. 527 László Kollonits, der 1784-1817 erzbischof von Kalocsa war. Siebmacher, Johann, 1893. 320. eoa László Melczer war 1790 und 1792 Abgeordneter des Komitats Borsod. 1796 war er königlicher Tafelassessor. Als Assessor der Septemvirtafel starb er 1823- Seine Rolle im Komitat Bács wird in keiner Veröffentlichung erwähnt. Nagy, Iván, 1857. VII. 409. ; Iványi, István, 1887. Iványi, István, 1893/a. 292
