Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1775 rebus suis fecisset, inter ceteras dispositiones id etiam disposuit, et mihi tanquam suo Naturali, et legitimo Haeredi effectuandum, et exequendum commisit, ut nempe PP. Franciscanis Bajensibus mille florenos ex sua substantia remansa, et in me devoluta in refrigerium animae suae pro perpetuis Sacris offerrem, ac plenarie darem, et persolverem, volens itaque praedicti Patris mei ultimae voluntati, et dispositioni satisfacere, accessi eosdem PP. Franciscanos Bajenses, iisdem legatos mille florenos pro perpetuis sacris in refrigerium animae defuncti Patris mei celebrandis obtuli, a quibus ad oblationem meam sequentia responsi loco accepi: Quod iidem vi Instituti sui perpetuas fundationes nulla sufficienti cautela firmatas, assumere non possint, neque audeant, ideoque ut contra institutum suum onerosum legatum Patris mei acceptare recusarunt. Quare ad salvandam conscientiam meam, et animae meae quietem procurandam, accessi piae memoriae Archi-Eppum pro tunc Gábrielem Patacsics; unaque praememoratum casum conscientiose proposui, qui mihi in forma resolutionis, et quietationis conscientiae meae sequentibus reposuit: Ad adimplendam Testatoris et legantis Patris mei ultimam voluntatem, se judicare, ut 500 fl saepe dictis PP. Franciscanis pro continuis, et quidem continuative celebrandis sacris dein residuos vero 500 fl. pro Ecclesiae Supellectili ad rationem saepememoratorum PP. Franciscanorum, et respective Ecclesiae Conventualis, et Regularis S. Antonii Bajensis impendam: unde salutari decisioni memorati olim Archi-Eppi Colocensis Gabrielis Patacsics morem gerens, illico fl. 500 PP. Franciscanis in sortem continuo celebrandorum Sacrorum pro refrigerio animae defuncti Patris mei effective dedi, ac persolvi, qui etiam acceptati sunt, ac sacra subsequenter celebrata. Alios vero 500 in Supellectilem Ecclesiae Regularis S. Antonii impendi, utpote Monstrandam majorem argenteam, Calicem, Ampullas, Campanulam, omnia argentea. Proin ad tollendos omnes Scrupulos, seu jam factos, ut occasione Canonicae visitae per Suam Excellentiam Comitem Archi-Eppum Josephum a Bathyan Anno 1763. interventam, quam et alias faciendos fors, hisce conscientiose, et candide in perpetuam rei memoriam declaro, et significo, ac notum reddo pro futura jurium cautela dictorum PP. Franciscanorum, quod praedictum Legatum pium in supra dictis 1000 fl. subsistens, directe solos Patres Franciscanos ut Franciscanos respexerit, adeoque juxta resolutionem casus Conscientiae Defuncti Archi-Eppi Patacsics, Monstrantia argentea, Calix, Ampullae et Campanula per me tanquam naturalem, et legitimum Haeredem Patris mei, tam ad adimplendam voluntatem ultimam dicti Patris mei, quam et meam salvandam conscientiam directe et absolute juxta Testatoris Patris mei mentem et decisionem Archi-Eppalem pro Patribus Franciscanis Bajensibus et respective Ecclesia Regulari Sti Antonii Paduani, in qua corpora Patris et Matris meae quiescunt,182 dantur. Quare declarationem hanc meam pro futura jurium cautela, et omni evenibili dubio, et 182Auf dem Grabstein, der auch heute in der Nordmauer der Kirche eingemauert ist, kommen beide vor. Die Grabinschrift siehe in der 243. Anmerkung. 79
