Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1840 Mensis hic iam humidior, sat tamen calidus fuit. Vindemiae ultimis diebus inchoatae, vinum et quoad quantitatem, et quoad qualitatem mediocre fusurae. Mensis October 12. Aedes gymnasiales, labore etiam murariorum fere perfecto, sub tecto stabant; sed arcularii, et serarii segnius laborantes id efecerunt, ut annus scholasticus suo tempore inchoari non potuerit: ne tamen Juventus scholastica detrimentum quodpiam hac remora patiatur, hodie invocata auxiliatrice ope divina initium factum est prout anno superiore in cubilibus Conventus superioribus cum summo et docentium, et discentium incommodo. 20. Lectae sunt lit[t]erae circulares e prima Congregatione Capitulari dimissae. Iam priore mense Ecclesia, hoc vero currente, etiam Conventus tectum una cum granario perfectum, nunc murarii eius inalbatione occupantur. Praeter complures privatorum aedes etiam dominales, uti Provisoris habitatio, diversoria tria, caduarium cum stabulis exsurrexerunt. Hic mensis sat frigidus, siccus tamen pertransiit. Mensis November 16. Perfectis tandem aedibus gymnasialibus hodie Juventus scholastica in eas inducta respectivos suos oecos occupavit. In tractu inferiore adhuc laboratur. Hoc mense inalbatio Conventus terminata, ac duo ambitus, parte occidentali unus, septemtrionali alter lapidibus quadris strati, et pariter inalbati sunt, ac valvae in iisdem igne vitiatae refectae, deniq[ue] provincialatus cum secretariatu e dispositione A.R.P. Mstri Provlis ex ambitu occidentali ad septemtrionalem translatus. In oppido etiam, non obstante frigore gelido, plures domus partim perfectae, partim sub tectum positae, in his diversorium oppidanum Ad Agnum nominatum, ultra orgiám elevatum, tignis, ac tjeillis provisum, non item imbricibus contectum, qui nunc in furno exuruntur. Hoc mense passim sicco praesertim circa finem frigus gelidum saeviebat, mercurio in thermometro ad 6°. cadente. Mensis December Nulla re memorabili semet offerente, suo tempore S. Exercitia pro more isthic recepto peregimus. Frigus cum modicis nivibus stabiliter permanentibus increscit. Labor circa aedificia penitus adhaesit, demto diversorio oppidano, quod ante festa natalicia imbricibus contectum est. Annus quoad valetudinem salubribus (:hic praesertim respectu eorum, qui domos tardius aedificatas, adeoq[ue] humidas coacti sunt inhabitare, mortalitas rara, per septimanam vix duo, tres mortui:), quoad naturae producta in frumento bene mediocribus, in vino et quoad quantitatem, et quoad qualitatem vix mediocribus adnumerandus. HIS PONIT FINEM LABENS ANNAUBUS ANNUS: TALEM NE SUPERI DENT, PRECOR ASSIDUE!!! 67i Ziegel und auch Dachziegel wurden in dem sog. Feldofen in der Nähe der Stadt gebrannt. Beim Abreißen von Häusern kommen auch heutzutage noch Ziegel mit eingebranntem Stadtwappen und Datum an den Tag. 459
