Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1834

18. FF. Coelestinus Pock, Mansvetus Hantken, Daniel Krajacsich, et Fidelis Sághy, terminato hic cursu, Theologiam continuaturi, Vukovarinum dispositi discesserunt.

20. VP. Colomannus Schlögl terminata Mohacsini Theologia horsum dispositus in qualitate Concionatoris German[ici] advenit.

30. Gymnasium R[egium] gratiis Deo actis Annum Scholasticum conclusit.

31. MVP. Leonardus Oertel, Concionator Germanicus Viennam in qualitate Concionatoris matutini dispositus, discessit.

Mensis hic nimis calidus aestu adeo fervida, ut thermometrum Reaumür in umbra ad septemtrionem ad 28.° in sole ad 44.°usq[ue] ascenderit. Siccitas tanta, ut plantae omnes, olera, rigatione nihil perficiente, arescere, arborum folia flavescere incipiant. Messis segetum autumnalium mediocris, in nonnullis locis supra mediocritatem, vernalium nimis parca, cum ob defectum pluviae, imo roris etiam, nec in grano, nec in stramine proficere potuerunt. Vineae uberrimam secus vindemiam spondentes langvent, et uvae humore necessario destitutae decidunt. Ciclamina, seu solana tuberosae vix nucis magnitudinem aequant.

Mensis Augustus

2. Festo S. Mariae Angelorum de Portiuncula dicta fideles, variis laboribus distenti, minore numero convenerunt, quibus verbum divinum annunciarunt Sacri Curiones RR. DD. Barassevich David Cooperator Vaskút[iensis] Illyr[ice] Ignatius Szűcs Coop. Sükösd[iensis] Hung[arice] P. Colomannus Schlögl Concionator domesticus Germ[anice] Missam solennem decinente A. R. D. Michaële Benczák Parocho Kattymariensi.

4. Advenerunt sospites navi vaporacea advecti hor[a] 6. vespfertina] AA. RR. PP. Minister Provlis, Ex-Minister Provlis, et Viennensis Gvardianus Petrus Becker, Josephus Matzek, Ex-Minister Provlis Immediatus, R. P. Justinus Tanos, Secretarius Prov. et MVP. Michaël Filippovich, VSecretarius Prov. primam intermediam Congregationem Capitularem isthic celebraturi. Hodie parumper pluebat.

Idem A. R. P. Petrus Becker iterum Ecclesiae huiati attulit apparatum integrum e forti materia confectum, auro intexto, et fimbriis aureis ornatum, nominatim unam casulam, pluviale, et quatuor dalmaticas. Totus hic apparatus, ut specificum exhibet, Viennae constitit 460. fl. m[onetae] cfonventionalis] Dedit vero hunc apparatum cum onere 900. seu nongenta Sacra celebrandi. Hoc eo facilius conventui accidit, quod rara admodum stipendia hicce offerantur.

5. Advenit R. P. Augustinus Nemes, Consultor Proviae, et Gvardianus Radnensis, qui in tale quale subsidium obtulit Conventui 200. Stipendia.

7., 8. Celebratae sunt Sessiones antecapitulares, in quarum prima generales caussarum Auditores constituti sunt Ex-Ministri Provles.

9-, 10. Revisores Computuum A. R. P. Petrus Becker, ut Consultor surrogatus, et Consultor actualis, Hebdomadarius Capitularis P. Isidorus Torma Professor, Lectionares Capitulares P. Hyacinthus Bády Exhortator Gymn[asii] et Antoninus Sisa Professor, deniq[ue] Magister Caerimoniar [um] R. P. Marcellinus Dorich Lector.

9- Advenit et R. P. Dominicus Kirchmayer Consultor Proviae, et Gvardianus Poseganus, Scholasticis negotiis impeditus, nonnisi heri, id est, octava e Conven-405