Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1832

30. Fr. Georgius, iám Antonius Matkovics ob remissam in studiis sui applicationem ad saeculum dimissus.

Mensis hic non inter Vernales, sed fere hiemales inter numerandus totus pluviosus, pruinosus, imo in tractibus montanis gelidus / :ut Ephemeridibus publicis fertur:/ spem omnem mediocris saltem procreationis Agricolae aufert.

Mensis Junius

10. FF. Ignatius Muha Slavonita Poseganus, et Gervasius Szvircsevich Vukovariensis tertia vota plene favorabilia acceperunt, et obtenta ab A. R. P. Min. Provli facultate, aetatis item Anno 21. completo, ac triennio in Provia exacto, protestatione publice lecta

11. in manibus A. R. P. Gvardiani per vota solenniter nuncupata Religioni Seraphicae se addixerunt.

13. Pro solennitate S. Antonii populus sat magna frequentia convenit. Sermonem Hungaricum habuit R. D. Ignatius Sziics Sükösdiensis, Germanicum ... Carolus Joo Rigyiczensis, et Nicolaus Czvesics Szantovensis Cooperatores. Missam solennem decinit A. R. D. Michaël Benczák Paroch[us] Kattymariensis.

Mensis hic aliquanto calidior, non tamen aestivus.

Mensis Julius

3. Computus Generalis conclusus, publicatus et subscriptiones factae.

4. Advenit Bacsino Fr. Ignatius Lehner Organifex organi at temperandi /recordandi:/ caussa.

5. Imber vehementissimus circa vesperum deciduus hortum pene universum, humiliore loco situm inundavit, olera fere omnia exaruerunt.

21. FF. Ignatius Lehner, et Fridolinus Wagner Bacsinum discesserunt, necessaria requisita in parte Conventus noviter aedificari coepta perfecturi.

26. Celebratur Congregatio intermedia Capitularis secunda Budae.

27. E Dispositione A. R. P. Min. Prov. discesserunt Vukovarinum P. Emericus Jarosch, et Fr. Rochus Nagy.

19- et 23. Examina semestralia PP. Lectores servarunt.

Mensis hic pluviosus, et nimis frigidus fuit, messis admodum parca. E publicis Ephemeridibus constat is Cottu Maramarosiensi priore quidem mense ninxisse, sed nives brevi disparuisse; at currente hocce mense nives deciduas duabus hebdomadibus perstitisse, et decursiones trahales suppeditasse.

Mensis Augustus

2. Festo S. Mariae Angelorum confluenti populo fideli spirituale servitium praestitum, sermones SS. propositi; Hungaricus quidem a R. D. Ignatio Sziics, Cooperatore Sükösd, Illyrico, et Germanico a domesticis Cone. Pontificante A. R. D. Michaele Benczák Parocho Kattymar.

18. Juventus Scholastica, gratiis Deo actis, dimissa, et iuxta dispositionem Altissimo Foro praescriptam praelectiones pro Anno futuro Scholastico 15. Octobris] initium sumant.

19. Publicata est e Congregatione Budensi dimissa

393