Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1830

electus, ac Deputati ad Comitia denominati Sped. DD. Antunovics Adalbertus Ord[inarius] VComes, et Josephus Odry Ordinarius] Fiscalis Cottus.614

30. R. P. Stephanus Lector Examen semestrale servavit e generali, et specialis Introductione in LL. SS. V. F. [Libros Sacros Veteris Foederis]

Mensis hic totus siccus absq [ue] ulla pluvia, sed cum aestu vix tolerabili /:thermometrum 29. gradum in umbra indicabat:/ pertransiit. Quoniam hiems nimis rigida, ver minus favorabile, aestas admodum calida, et sicca plantis generatim omnibus plurimum nocuerint: mensis, hoc mense iam peracta, miserrima fuit. Uvae marcidae, Zea mays flava, solanum ipsum tuberosum quasi igne coctum, exigua frumenti quantitas famem minantur.

Mensis Augustus

2. Festo S. Mariae Angelorum de Portiuncula populo exiguo numero confluenti spirituale servitium praestitam, et sermones sacri ad eum dicti: Hungaricus per A. R. D. Joannem Herold, Parochum Báth Monost[oriensem], Illyricus per R. P. Stephanum Lectorem, Germanicus per A. R. D. Joannem Schirel Parochum Rigyiczensem, Missa solemnis, absente D. Parocho, decantata per R. D. Blasium Loosz Coopérât. Baiensem Illyricum.

6. Fr. Stanislaus Minazovics, Hungarus Budensis, obtenta ab A. R. P. Mnstro Provli licentia, ac triennio in Provia expleto vota tertia accepit, atq[ue] resignatione publice perlecta, sequente die in manibus A. R. P. Gvardiani votis solennibus se Religioni Seraphicae obstrinxit.

9. Discesserunt FF. Stanislaus Minazovics, et Liborius Surina professi ac Clemens Majstorovich n professus, Theologiae Studentes Vukovarinum, et Fr. Ignatius Gleixner, Laicus n professus Illokinum.

11. Hos sequenbantur FF. Gabriel Budimacz, Sebastianus Frötschner professi, et Jos[ephus] Calas[anctius] Mathievich n professus.

18. Mohacsinum dispositi discesserunt FF. Sigismundus Brunner professus, Hieronymus Gartner, et Cyrillus Zamba improfessi.

Mense hoc pluvia pauca, aestus vero nimius regnabat: Hinc infirmitates variae, praesertim febris periculosa /:bis, terve aegrum exagitans peremit:/ ac dissenteria grassabantur, quibus plurimi morte occumbebant, adeo: ut hebdomadatim 25. — 36. cadavera efferrentur.

Mensis September

2. Gymnasium R[egium] gratus Deo actis anno Scholastico finem imposuit.

Eadem. Series Individuorum huius Familiae tandem advenit, et perlecta est sequentis tenoris:

614 Iványi, István, 1887. 53-379