Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1829

12. Advenerunt, horsum per Exc. Consilium R[egium] dispositi, tres Alumni Proviae Bosnae Argentínáé: Fr. Martinus Nikolich pro 1. Hum. FF. Laurent[ius] Chiorkovich, et Francisc[us] Frankovich pro 2. Humanit. Scholae.

Jubilaeum

SS. P[ater] Pius Vili. pro felici regimine Indulgentias in formajubilaei elargiri dignatus est, per continuos 14. dies duraturas ita, ut binae supplicationes, diebus Dominicis instituendae, fierent. In sequelam huius in oppido hocce prima supplicatio instituta est die 8. Novembris; hoc est, Dominica 22. post Pentecosten ex Ecclesia Parochiali ad Conventualem, ubi dictis 6. Pater noster, et Ave Maria, dataq[ue] Venerabili benedictione, reditum est ad Parochialem, ibi dictis rursus 6. Pater, et Ave, sermone Hungarico habito, ac Missa decantata, devotio terminata est. Altera supplicatio instituta est Dominica 23- post Pentecosten, in 15. Novembris incidente, itum ad Ecclesiam S. Rochi, peractisq[ue], ut supra, post reditum habito sermone Germanico, sequente die, seu 16. Nov[embris] Illyrico, reliquae dies, prout et priores excipiendis fidelium confessionibus impensae. Licet prima supplicatione tempus humidum, et frigidum, altera nivibus deciduis, et borea saeviente frigidissimum fuerit; populus tamen copiosus confluxit. Aderat et Juventus Litteraria cum respectivis Moderatoribus, et ad eam quoq[ue] Sermones, Latinus et Hungaricus, habiti. — Qui processioni quacunq[ue] de caussa interesse non possent, iuxta mentem SS. Patris tenentur binis vicibus Ecclesias invisere, et praescripta 6. Pater, et Ave persolvere, ac tres dies cum reliquis quoq[ue] ieiunos transigere.

Mensis hic, inde a 13- die praesertim hiemalibus accensendus; nam nives deciduae commodam trahalem viam faciunt, et frigore increscente omnia gelu perstringuntur. Ipse adeo Danubius, glaciem glomeratam ferens, naves mercantiles stitit, et Molitores ad molas in loco tutiore locandas adegit: quapropter multi penes copiam frumenti pane destituuntur. Eo plus emolumenti habent molae asinariae, vulgo siccae dictae. Naves e nundinis Pestanis cum mercibus descendere non potuerunt, sed merces curribus deferendae erant.

Mensis December

Frigus increscit.

16. Sacra Exercitia die 9. h[uius] inchoata pro more Proviae peregimus.

21. FF. Augustinus Sisulák Hung[aris] Seculensis Com[itatus] Poson [iensisjCaesarius Fischer Hung(arus). Budensis, Liborius Surina Hung[arus] Trsztenensis Com[itatus] Arv[aensis] Sebastianus Frôtschner Bohemus Egrensis, Gabriel Budimacz Hung[arus] Baiensis, expleto in provia triennio, aetatis vero anno 21., et Fr. Sigismundus Brunner Austriacus St. Hippolytanus completo 24. aetatis anno vota tertia /:alba:/ acceperunt, et perlecta publice resignatione, die sequente in manibus A. R. P. Gvardiani solenniter professionem religiosam elicuerunt.

374