Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1826

16. FFr. Valentinus Mischevich, et Fridolinus Wagner in manibus eiusdem A. R. P. Gvardiani sacram professionem elicuerunt. Resignationes eorum prout et Fr. Clerici videri possunt in Libro ad id specialiter destinato.

17. Hora octava vespertina exortum incendium in Ustorio Dominali braxae adsito citra omne fere damnum feliciter exstinctum est.

20. Mulier quaedam huias, quae alias signa quaepiam maniae dederat laqueo sibi vitam ademit.

Mensis hic pariter siccus, et calidus /:demtis ultimis diebus:/ decurrit. Vineae exspectationem vinicolarum fefellerunt.

Mensis November

3. Fr. Michael Stipanovich, Alumnus Bosnensis, audito hic SS. Theologiae anno primo ex dispositione Exc. C. L. Hungarici discessit Q[uinque] Ecclesias. Eadem. Fr. Innocentius, iam Ignatius Baumgartner, quatuor annis in Provia exactis seculum repetiit.

4. Rei Litterariae in R. Gymnasio Administri inchoato auxilio superno anno Scholastico initium fecerunt.

6. Idem fecit Studium Conventuale Theologicum.

7. Mélykutenses Baia reduces, obviam sibi duos Hebraeos habentes, quidam eorum contentione exorta Hebraeum Unico fustis ictu exanimat, alterius brachia concutit. Interim inquisitione facta postridie Baiam defertur, sententiam praestolaturus.

10. Primae nives cadebant, quae tamen eodem momento solvebantur; ast die sequente iam copiosius ningebat, terra ultera etiam, imo tertia die albescebat, rigidoque gelu constringebatur.

24. FF. Macarius Balogh Hungarus Colocensis, et Anicetus Gyarmathy Baiensis vota tertia acceperunt, ac protestatione facta

25. post exactos tres continuos in S. Religione annos in manibus A. R. P. Gvardiani votis Altissimo nuncupatis S. Ordini semet obstrinxerunt.

Mensis hic, demtis aliquot prioris dimidii diebus ventosis, et frigidis, maiori ex parte siccus, et sat calidus defluxit.

Mensis December

11. Fr. Simon Organifex abscedit reparatum antiquum Organum, quod Nobilis Communitas Nemes-Militicsensis emit 500. fl V. V. illud ibidem erecturus, et adaptaturus.586

16. Sacra Exercitia pro more in Provia recepto peregimus.

18. Josephus Forth sodalis Sartor S. Religionis veste per A. R. P. Gvardianum indutus annum probationis inchoavit, nomine Edmundi insignitus.

Danach gab es in der Franziskanerkirche auch früher eine Orgel. Eine größere wurde jedoch von den Mönchen des Klosters in Baja gebaut (Simon Sangl, Ignác Lehner, Fridolin Wagner) und die alte Orgel an Nemesmilitics (Svetozar Miletic in Jugoslawien) verkauft. HD 17, Apriil 1826. Detailierte Aufstellung der verwendeten Materialien. HD 30. März 1827.

350