Levéltári Közlemények, 83. (2013)
Forrásközlések - Kruppa Tamás: Thurzó Kristóf és az ellenreformáció. Egy lutheránus arisztokrata katolizálása, majd hitehagyása a 17. század elején
Kruppa Tamás: Thurzó Kristóf és az ellenreformáció Prudentes et circumspecti nobis dilecti cum magna displicentia intelleximus, Vos post nostram a Vobis absentiam, nec sacrae regiae maiestatis mandato, nec eius in hoc regno locumtenentis paternae admonitionis, sed nec nostrae commissioni in negotio amplectendae sacrosanctae catholicae religionis et administrandis proventibus parochialibus legitimo sacerdoti non ita pridem authentice introducto dandis, debitam obedientiam prostitisse. Cum igitur avitae religionis propagatio, et templorum reformatio post Deum prepotentem penes sacram Caesaream regiamque maiestatem dominum nostrum clementissimum, tanquam supremum omnium ecclesiarum huius regni patronum sita sit et habeatur, eiusque maiestas spiritu veritatis ducta, nullam prorsus a Christiana veritate alienam in hoc regnum suum Hungarorum introducere, sed pristinam potius orthodoxam catholicam religionem a divis quondam Hungaris regibus faelicium recordationum receptam approbatam, et observatam, novissime autem per ipsamque modernam imperatoriam et regiam maiestatem, publico edicto articulis diaetalibus praesentis anni insertam et confirmatam ab universis huius regni sui fidelibus statibus et ordinibus sub paena superinde sancita, sanctae et piae observare satagati. Eam ob rem nos quoque, qui sacram eius maiestati fidem catholicam suscepimus, et salutem vestram non secus, quam nostram cupimus, vobis serie praesentium firmiter comittimus et mandamus quatenus abiectis pravorum dogmatum tenebris in verum Christi ovile, et gremium sanctae matris ecclesiae catholicae unde fermento falsitatis infecti, errabundae oviculae facti estis, redire, novum legitimae vocationis et orciinationis parochum authenticae introductum, pro sufficienti vero, apto, et idoneo plebano vestro, animarumque vestrarum pastore agnoscere et habere, debitum illi honorem et obedientiam deferre proventus eius quoslibet ordinarios ab antiquo exigi et praestari solitos, ipsi et nemini alteri dare et administrare denique concionatorem Hungarorum (si quidem annus eius iam efluxit) dimittere de caetero minime conducero. Quin et templum hospitale in quo Ungarico sermone hactenus concionatum est, tum certa scientia voluntate et mandato caesareo propediem medio eius cuius interest, occupandum et divino cultui ritu catholico reconciliando occupari permittere, in executores regii mandati nihil adversi moliri tumultum nullum excitare, non sese opponere, sed eosdem quicunque fuerint humaniter excipere, remotaque tergiversatione, difficultate et renitentiae absque omni praesenti mandato nostro vos omnimodo conformare et obedire, sub gravi indignationis nostrae et singulorum quadraginta florenorum Hungaricorum per egregium Blasium Ziladi, provisorem nostrum a contravenientibus et praemissa non observantibus seorsim et singillatum iuxta specialem commissionem nostram, ipsi in aliis litteris nostris datam, toties quoties et per quoscunque contraventum fuerit, irremissibiliter exigendorum paena debeatis et tentamini secus non facturi. Datum in arce nostra Scepusiensi 14. Octobris anno 1604. Christophorus Thurzo Comes perpetuus Scepusiensis Prudentibus et circumspectis iudicibus iuratis totique communitati Veteris et Novae Galgocz nec non caeteris subditis nostris Galgocziensibus etc. nobis dilectis fideliter exhibeantur Praesentatae et apertae in domo iudicis 24. Decembris coram communitate utriusque Galgocz anno 1604 MOL E 150 Irreg. 30. tétel Nr. 219. - eredeti tisztázat 313
