Levéltári Közlemények, 78. (2007)

Levéltári Közlemények, 78. (2007) 1. - FORRÁSKÖZLÉSEK - Gecsényi Lajos: I. Ferdinánd udvarmesterének levelei Augsburg városához az 1527. évi magyarországi hadjárat eseményeiről / 129–142. o.

Források Jungst an dem Wasser der Teyssa bei Togkay wider vnnsern offenbaren Veind vnd widerwerttigen Gráf Hanns von Zyps

39 durch gotliche gnad zugestanden ist der merer tail von allén Stennden diser vnnser Cron Hungern vnnd sonderlich die so vormaln demselben Gráf Hannsen anhenngig gewesen auf vnnserm Erst ausgeschriben Rakusch oder Lanndtag in vnnserm kuniglichen Stuel vnd Stat Ofen gehorsamlich erschinen sein. In vnnser Election zu Hungerischem Kunig Jungst den Sechzehenden tag decembris verganngen in vnnser Stat Brespurg beschehen ainhellig bewilligt die Ratifficiert bekrefftigt vnd den Crönung tag hieher in vnnser Kunigliche Stat nach altem geprauch fürgenomen vnd ander loblichs beslossen vnd in demselben írem beslufi dermassen gehorsamlich verfaren sein. Dardurch wir nach verhenngkhnus des Almechtigen gesstern den dritten Novembris Zubestettung vnnser gotlichen Erbgerechtigkaiten mit des Heiligen Kunig Stephans Cron Vnnd an heut vnnser fruntliche liebste Gmachel als die Rechten Natturlichen Erb Kunig vnd Kunigin zu Hungern solemniter wie von Altér her komén ist gekront worden vnd alsó dardurch dises vnnser Kunigreichs in possession vnd besitzung komén des wir dem Almechtigen pillich dannckper sein vnd dem Lob vnd Ere sagen welher wie wir diennlettigs vleifi bitten vnns in vnnser Regierung sein gotliche gnad wie bisher scheinbarlich beschehen ist Weytter solher gestalt verleichen vnd mittailn wylle dardurch in Zeit vnnser Regierung sein Lob vnnd Ere gemert vnd zu Hilf vnd trost gemainer Cristenhait dem verfolger vnnsers Cristlichen Namens vnd glaubens dem Turckhen statlicher widerstannd beschehen mag. Zu dem wir yeder Zeit mit anndrer Cristlichen Kunig vnd pottentaten Hilf vnd Zuthun nit alléin vnnser vnd vnnser Kunigreich vnnd Erbland vermugen, sonnder auch vnnserer selbs aigen Leib dartzustrecken vrbuttig vnd willig sein. Das wolten wir Euch gnediger Mainung nit verhalten. Gebén in vnnser Kuniglichen Stat Stuelweyssenburg den iiü tag Novembris anno etc im xxvii vnnserer Reiche des Hungerischen in Erssten vnnd Hungerischen (sic!) inn anndern. Ferdinandus m. p. V Harrach Cantzler m. p. Von Ferenberg m. p. Den Ersamen Namhafften vnnsern lieben besondern Bürgermaister vnd Rat der Stat Augsburg (Presentata auf 15 tag Novembris. Ku Mt. Cronung zu Vngern) SA Litt.samm. 1527/11/4 39 Szapolyai János 138