Levéltári Közlemények, 73. (2002)
Levéltári Közlemények, 73. (2002) 1–2. - FORRÁSKÖZLÉSEK - C. Tóth Norbert: Vingárti Geréb Péter országbíró ítéletlevele 1498-ból / 131–175. o.
150 Fo rrúsközlések portiones possessionarias eidem pacifice remittere per ipsum Emericum Fanchy in sacristia seu conservatorio ecclesie dicti conventus tunc repositas, ab eodem Emerico Fanchy pro se tollere et recipére easdemque portiones possessionarias eidem pacifice remittere et resignare deberent et tenerentur, qui idem facere recusassent, ob hoc ibidem et eodem die prohibuisset eosdem ab ulteriori detentione usuque fructuum et quarumlibet utilitatum earum perceptione et nichilominus evocasset eosdem contra annotatum actorem ad octavas festi Beati Michaelis archangeli, tunc venturas regiam in presentiam rationem superinde reddituros. Quibus presentatis idem procurator prefati actoris in persona eiusdem dictis Petro de Bwthka et domina Margaretha consorte ipsius, causa de premissa exmittendo ex parte prefate domine Elizabet super eo, quarum scilicet ipsa portionem suam eidem de dictis pecuniarum quantitatibus in sortem redemptionis prelibatarum portionum antefati condam Gasparis filii olim Petri ceterorumque filiorum Fanch in possessionibus superius nominatis demptis portionibus et iuribus possessionariis antefati Nicolai filii Stephani Fanch de predicta Gordowa possessionibus in eisdem habitis, coram dicto conventu repositarum levatis et portiones possessionarias in dictis litteris nostris adiudicatoriis conscriptas eidem actori remittere et relaxare noluisset, assignari postularet per eandem dominam Elizabet in causam atractam coram nobis, et in super centum et quinquaginta quinque florenos auri, quo ad portionem scilicet dicte domine Elizabet, consortis prefati Francisci de Chahol de predicta summa pecuniarum redendo eidem domine Elizabet in causam atracte nostro in conspectum rursus et iterum deposuit ad levandum. Et quia procurator dicte domine Elizabet huiusmodi summám pecuniarum in persona eiusdem domine Ievare noluit, ob hoc nos manibus nostris iudiciariis recepimus et mancipavimus conservandum, quibus auditis et perceptis Ladislaus de Solmos pro antefata domina Elizabet in causam atracta cum procuratoriis litteris capituli ecclesie Budensis, in eandem nostram exurgendo presentiam respondit talimodo: Quod ipsa domina Elizabet prenarratam pecunie quantitatem per prefatum Emericum Fanchy depositam coram nobis, pro eo recipére et Ievare noluisset, nolletque tollere etiam de presenti, quia prenarrate portiones possessionarie ius femineum eodem iure, quo masculinum concernerent. Et ob hoc eidem domine Elizabet iure perpetuo attinerent, in quarum contrarium prefatus Valentinus Palffy procurator dicti Emerici Fanchy actoris in persona eiusdem obiciebat talimodo, quod prenarrate portiones possessionarie antefati Gasparis filii olim Petri de Gordowa, ius femineum secute nunquam fuissent, sed solummodo ad heredes masculinos pertinuissent et eosdem contigissent et concernerent etiam depresenti et in declarationem sue allegationis, idem procurator dicti actoris exhibuit nobis quasdam octo litteras diversorum regum, in diversis anniis et terminis infrascriptis emannatas. Quarum prima videlicet littera donationalis et confirmationalis olim domini Ladislai regis, in anno domini millesimo ducentesimo octuagesimo, regni autem
