C. Tóth Norbert: Ugocsa megye hatóságának oklevelei (1290-1526) (Budapest, 2006.)
tes quinque florenorum et de domo Emerici Garda unam mitram et camisiam cum manutergio, et de domo Symonis Garda unam mitram valentem denariorum, similiter de domo Johannis Garda unam mitram valentem XXV denariorum omnino de possessione Ardo magnifici domini Johannis de Peren clamdestine asportarunt et potentia mediante. - Item quendam iobagionem prenotati magnifici domini Johannis de Peren nomine Thomam Unoka in Therebes commorantem in sua libera et publica via reperientes more latrocinii despoliaverunt et ab eodem duos equos valentes sex florenorum abstulerunt, exceptis aliis rebus suis ipsumque Thomam ad silvam conduxerunt et circa unum lignum ligantes et ad os suum lignum ad morem habene refrenantes ita, quod clamare ne possit, et ibidem nece miserabili vitam suam finivisset, si casu contingente quidam homo ipsum non invenisset. Et insuper ipsum usque ad effusionem sui sanguinis verberaverunt acriter, in qua vix mortem evasit et per totam noctem ibi vermes ipsum momorderunt. - Item de Ezedfalwa quatuor equos bonos cuiusdam Stephani Fogas valentes sedecim florenorum similiter clamdestine asportaverunt. - Item de Forgolanfalwa unum equum cuiusdam Gregorii Cythariste valentem duorum florenorum et quasdam pennas pavonis valentes unius floreni et alias res ac clenodia domus valentia duorum florenorum asportaverunt. - Ceterum in possessione Chama quendam nobilem Gregorium Gewdyn acriter verberarunt et alium nobilem nomine Johannem in eadem Chama commorantem absque suis culpis usque ad effusionem sanguinis acriter verberaverunt. - Item in possessione Chathohaza nobilem Johannem Chatho et in Petherfalwa nobilem Johannem Bekw ac nobilem dominam consortem Ladislai Zyrmay in suis propriis curiis acriter verberaverunt usque ad effusionem sanguinis. - Item in Farkasfalwa ad domum cuiusdam nobilis Georgii Fanchikay irruentes hostia domorum confringentes indeque unum leporalium potentia mediante asportaverunt, ipsumque nobilem turpis vituperis affîcientes. - Item in possessionibus Gyakfalwa, Forgolan, Petherfalwa more predonico pactantes plurimos florenos et dampna ac iniura et alia similia receperunt. - Item in Dabocz unum vas vini cuiusdam nobilis Martini Barla vi et potentialiter consumpserunt. - Insuper vero quod ad universos possessiones in predicto comitatu de Wgacha existentes descenderunt et secundum voluntates ipsorum processerunt et victualia suffîcienter acceperunt, aliaque dampna fraudulenter fecerunt, quos V(estre) S(erenitati) rescribere non valemus. - Item in possessionibus Halmy et Kekynyesd plusquam florenorum quinquaginta et in Saswar similiter plusquam quinquaginta florenorum dampna fecerunt, similiter et in aliis possessionibus. Quapropter supplicant prenotati exponentes universaliter plurimum humiliter et attente, ut S(erenitas) V(estra) de talibus oppressionibus et obprobriis ac dampnis de remedio providere dignetur gratiose. Datum in Saswar,
