Ortvay Tivadar–Pesty Frigyes: Oklevelek Temesvármegye és Temesvárváros történetéhez. I. 1183–1430. (Pozsony, 1896. Temesvármegye és Temesvár város története. 4.)
Sagax humane nature discrecio hominum memorie labilitate pensata ne diuturnitate temporum que fiunt in tempore obliuionis defectui cum tempore subiacerent, prouida deliberacione adinuenit vt scripture ministerio longeuum perdurant in ewm, proinde ad vniuersorum Noticiam presencium serie volumus peruenire Quod Nobilis et Egregius vir magister ladislaus filius Nicolai filij lachk de Kerekegbaz nostri personaliter constitutus in presencia ministerio viue vocis confessus est eomodo, Quod ipse Sapiencie que prodijt ex ore altissimi disponentis omnia suauiter allectus spiritu cupiens sibi meliorem eligere partém que non aufferretur ab eo Inter ceteras suas salubres disposiciones in mentis archano perspicaci contemplacione rewluens animadvertensque terrenorum bonorum eterne felicitati comparatorum nullitatem vanamque et caducam atque transitoriam glóriám huius seculi neque volens peruenire et non per eam perueniri. Sano consilio Egregij militis magistri Michaelis filij pauli filij dicti lachk. fratris sui patruelis eiusque consensu et assensu pro sue suorumque progenitorum animarum salute et refrigerio ex ccrta sciencia puraque et vltronea voluntate in ecclesia Kathedrali Beatissimi dei tironis Georgy Chanadiensis in altari scilicet Sanctissime et Intemerate virginis matris nostri saluatoris in eadem ecclesia erecto et constructo. Missam omnium fidelium defunctorum singulis ferijs secundis perpetuis temporibus disposuisset facere decantari. pro cuius pij operis exercicio et huiuscemodi sui desiderabilis propositi efí'ectu de bonis diuinitus sibi collatis quandam vineam suam magnam ipsum empcionis titulo pleno Jure concernentem Chorwa vocatam in monte Makra in territorio possessionis sue Kowazy vocate in Comitatu Orodiensi existentis adiacentem nunc cultura omnino egentem et propter longeui temporis incuriam exacerbatam desertam et in virgulta siluestria ac tribulos et spinas campestres prorsus redactam, Cum omnibus suis vtilitatibus et pertinencijs specialiter autem tributo none vinorum in ipso Monte Makra exigi consueto sub eisdem metis et limitibus quibus ipsa per progenitores suos et ipsum hactenus tenta
