Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)

torio et intra metas dicte possessionis Mera vocate adiacentes, equos redales sex, tres autem succubitales sive supersessioni aptos, equos equatiales quadraginta, boves iugales sive aratro convenientes sedecim, vaccas maiores sex et totidem minores, oves ducentos et quinquaginta, porcos maiores cum minoribus centum et quinquaginta, apum alvearia triginta duo prefate ecclesie hospitalis sancte Elizabeth atque usui pauperum in eadem degentium dedissent, donassent, contulissent, inscripsissent et testamentali legatione simul cum ipsorum personis propriis perpetuassent iure perpetuo et irrevocabili tenendas, possidendas pariter et habenda, nullum ius nullamve iuris et dominii proprietatem in eisdem sibi ipsis de cetero reservantes, sed totum et omne ius, omnemque iuris et dominii proprietatem in prefatam ecclesiam hospitalis sancte Elizabeth atque usum perpetuum pauperum in ea degentium transtulissent, iurique ipsorum ascripsissent, prout dederunt, donaverunt, contulerunt, inscripserunt, testamentali legatione perpetuaverunt, transtulerunt et ascripserunt coram nobis pleno cum effectu; tali conditione mediante, quod si temporum in processu sepe dictum Anthonium Desew divino nutu ab hac luce decedere et dominam Anna prefatam consortem suam superviventem contingeret, ipsaque in dicto hospitali manere nollet quoquomodo, extunc depositis sibi prius et persolutis florenis sexaginta sex ex dicto hospitali de et ex portionibus atque iuribus predicti Anthonii Desew pro dote et rebus parafernalibus eidem provenire debentibus iuxta regni consuetudinem, succedente tamen et devolvente sibi tertialitate rerum mobilium prescriptarum, puta equorum equatialium et aliorum, boum etiam vaccarum, ovium et porcorum atque apum, vinearum autem prescriptarum duas portiones, arabilium terrarum iugera sex. tria ex eis pro frugibus, tria autem pro avena aut aliis bladis seminandis in territorio et metis iam dicte possessionis Mera, in alia autem medietate eiusdem possessionis Mera suam propriam et hereditariam, necnon portionem, quam sepe dictus Anthonius Desew pecuniis emerat, pro se iterum rehabendi et quando voluerit, disponendi potestatis habeat facultatem, molendinum etiam prefatum vita sua durante tenere et pos-