Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)
Michaelem Barlabassy a tempore decessus prefati condam Iohannis Barlabassy perceptorum divisionem congruentem, antefata siquidem domina Magdaléna universas et quaslibet res mobiles prefati condam Iohannis Barlabassy ad manus eorundem Iohannis archidiaconi et Michaelis Barlabassy deventas rehabere, domumque et curiam nobilitarem eiusdem condam Iohannis domini et mariti sui in dicta possessione Chezthwe habitas ab ipsis Iohanne archidiacono et Michaele Barlabassy liberas habere vellent iure admittente. Requirimus igitur vos et nichilomi'nus regia in persona firmiter committimus, quatinus erga prefatos Iohannem archidiaconum et Michaelem Barlabassy accedendo ammoneatis eosdem, dicatisque et committatis eisdem verbo nostro, ut ipsi de prescriptis oppido, possessionibusque et portionibus possessionariis, que ex illis emptitie per eundemque condam Iohannem Barlabassy a tempore matrimonii cum eadem domina Magdaléna exponente contracti acquisite existunt, eidem domine et ceteris prefatis exponentibus simul, de reliquis autem possessionibus et iuribus possessionariis hereditariis ac equis equatialibus communibus ut prefertur et indivisis prefatis dumtaxat Francisco et Iohanni exponentibus, de usu quoque et fructibus ac quibuslibet utilitatibus modo premisso perceptis portionem seu portiones congruentes extradare, res quoque quaslibet et universas mobiles eiusdem condam Iohannis Barlabassy ad manus ipsorum deventas eidem domine exponenti reddere et restituere, ac domum et curiam nobilitarem antefatas ipsi domine exponenti infra tempus debitum, quo videlicet ipsa nomen ipsius condam domini et mariti sui gestaverit, liberas pacifice relinquere debeant et teneantur, qui si fecerint, bene quidem, alioquin prohibeatis eosdem ab ulteriori detentione et conservatione portionum possessionariarum eorundem exponentium in prescriptis possessionibus et iuribus possessionariis habitarum, usuum fructuumque et quarumlibet utilitatum perceptione, necnon similiter detentione rerum et bonorum mobilium, domusque et curie nobilitaris ante dictarum, et nichilominus evocetis eosdem Iohannem archidiaconum et Michaelem Barlabassy contra prefatos exponentes ad dominicam Letare proxime affuturam nostram (1513.) L. mart. 6.
