Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)
tur una cum nobilibus comprovincialibus nostris scilicet coassessoribus iudicando commiseramus, quod prefatus Nicolaus Tot in sede nostra iudiciaria proxime affutura coram iudicibus super eo, quod ipse predictum bovem Thome Barkó valentem florenos quatuor recipere non fecisset potentia mediante, sacramentum deponere debeat et tandem liber permaneat; qui si huiusmodi suam fidem sola sua in persona deponere neglexerit, extunc prefatus Thomas Barkó iobagio Martini Erdeli similiter sola sua in persona in eadem sede nostra iudiciaria proxime affutura super eo, quod predictus bos suus, quem prefatus Nicolaus ab eodem potentia mediante recipere fecisset, valuisset florenos quatuor, et quod idem Nicolaus illum bovem ab eodem potentia!iter recipére fecisset, iuramentum deponere debeat, qui si iurare presumserit, extunc idem Nicolaus Tóth in estimatione predicti bovis et insuper in actu potentie convincatur eo facto, faciente marcas quinquaginta. Termino igitur adveniente prefatus Nicolaus Thoth ut debebat super premissa sacramentum deponere neglexit et neque coram nobis venire curavit; in persona vero prefati Thome Barkó venit coram nobis Stephanus Barkó filius predicti Thome Barkó, retulitque suum patrem Thomam Barkó ab hac luce decessum esse, pro eo ipse loco et in persona prefati sui patris, in quem causa ipsa condescensa est, secundum priorem nostram adiudicationem fidem deponere promptus esset et paratus; qui quidem Stephanus Barkó ex nostra annuentia secundum priorem nostram adiudicationem super eo, quod bos condam sui patris videlicet Thome Barkó, quem Nicolaus Thot ab eodem patre suo in territorio possessionis Zenth Gewrgh recipere fecisset, valuisset florenos quatuor, et quod illum bovem idem Nicolaus ab eodem Thoma Barkó potentialiter absque iure recipere fecisset, coram nobis sacramentum sola sua in persona deposuit. Facta igitur huiusmodi depositione iuramenti eundem Nicolaum Tóth iuxta nostram priorem adiudicationem in estimatione predicti bovis et insuper in actu potentie, necnon pro quaterna non venientia coram nobis in duodecem marcis convictum et aggravatum fore permisimus eo facto, testimonio presentium mediante.. Dátum feria secunda post (festum)
