Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)
ió'2 — febr. 22. jun. 1. i aug. 24. Marié virginis de Coiosmonostora circa festum Kathedre beati Petri apostoli proxime preteritum oneribus et gravaminibus ipsius Francisci ad infra scripta in se assumptis, quandam piscinam in pertinentia seu territorio possessionis Zenthmyklos vocate adiacentem ac unum molendinum in facie dicte possessionis Zamosfalwa in fluvio Zamos decurrens, in comitatu de Colos existentes, ipsum exponentem iure hereditario concernentes cum omnibus earum utilitatibus et obventionibus in persona eiusdem exponentis nobili Michaeli castellano castri Dyog ac Stephano Berthalom, Georgio Zaz et Prokoppo de Coloswar sub certis conditionibus et obligaminibus in literis conventus predicti clarius specificatis pro centum florenis auri pignori obligassent. His non contentus prefatus Martinus de Iklod, dum nuper circa festum sacratissimi Corporis Christi novissime preteritum idem Franciscus exponens in schola Thordensi in studio scientiarum laborasset, tunc idem Martinus memoratum exponentem exinde sinistre levando tali sub colore, ut eundem ad suam genitricem conduceret, secum ad presentiam dicti conventus duxisset, ibique eundem exponentem per mortis minarum impositiones atque sinistras suggestiones totales possessiones et portiones possessionarias ubilibet et in quibuscunque comitatibus harum partium Transsilvanarum existentibus habitas pro centum et sexaginta sex florenis auri puri sibi ipsi impignorari coegisset. Huiusmodi itaque impignoratione et fassione coacte, insipienter et irrationabiliter ut prefertur per ipsum Franciscum facta, dum ipse Martinus de Iklod et Franciscus ex conductione dicti Martini versus dictum oppidum Thorda de dicto conventu rediissent, sepe nominatus Martinus eundem exponentem in itinere una tunica sua propria spoliasset, quam ibidem cuidam famulo suo tradidisset. His adhuc memoratus Martinus minimé contentus, sed malum malo addens circa festum beati Bartholomei apostoli novissime preteritum consimiliter per suas sinistras et dolosas suggestiones atque minarum impositiones et dolos totales possessiones Magyardezmer et Olahdezmer vocatas ac consimiliter totales portiones possessionarias ipsius exponentis in possessione Zenthir^klos, in dicto comitatu de Colos existentes habitas ipsum exponentem premisso iure
