Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)

futuris presens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas serenissimi principis et domini domini Mathie dei gratia regis Hungarie, Dalmatie, Croatie etc. domini nostri naturalis introductorias pariter et statutorias nobis preceptorie loquentes summo cum honore recepimus in hec verba: Mathias dei gratia rex Hungarie, Dalmatie, Croatie etc. fidelibus nostris, conventui ecclesie de Colosmonostra salutem et gratiam nostram. Quod cum officium sit principibus, ut süorum subditorum meritis recte ponderatis unicuique merita condignis retributionibus prosequantur, sic enim principum laudabitur prudentia et subditorum alii alios virtutum opere antecellere properabunt. Considerantes itaque fidelitatem et fidelia servitia fidelis nostri magnifici Nicolai Chvvpor vayvode partium regni nostri Transsilvanarum et comitis siculorum nostrorum, que idem nobis in nonnullis rebus nostris fidei sue commissis ad utilitatem et honorem nostrum diligenter exhibuit, is quippe Nicolaus Chwpor vayvoda, dum superioribus diebus partes Moldavie cum exercitu nostro intrassemus ibique quadam nocte cum Stephano vayvoda Moldaviensi conflictum habuissemus, tunc ipse inter ceteros aule nostre milites pro honore status nostri cum hostibus ante omnes alios ut audax vir certavit ibidem septem vulnera lethalia suscipiens, quorum respectu in aliquam recompensam suorum meritorum volentes eidem munificentiam nostram regiam ostendere liberalem, ut ipse ad servitia nostra promptus redditur, possessiones Swk, Wyssa, Magyarkalyan, Olahkalyan, Magyarsarmas, Olahsarmas, Azzonfalwa et Olahbare, item directas et equales medietates possessionum Zouath et Kethelen in de Kolos, necnon possessionem Omboz vocatas in de Doboka comitatibus existentes habitas, que alias condam Michaelis de eadem Swk prefuerant, sed per notam infidelitatis eiusdem perpetue, quam ipse ex eo, quod pridem Iohanni Groff alias vayvode nostro Transsilvano, qui suscepti beneficii immemor cum Transsilvanensibus coniurationes faciendo nobis rebellisset ac contra nos ut infidelis hostiliter insurrexisset, non solum adhesisset, verum