Barabás Samu: A római szent birodalmi gróf széki Teleki család oklevéltára. I. 1206–1437. (Budapest, 1895.)

CCCCIV. Deésen, 1435. maj. 4. Medvés Antal belsőszolnokvármegj'ei alispán, Gerolthi Antal és Némái Gergely szolgabírák a Somkereki Miklós alperes és Losonczi Dezső felperes közt, ez utóbbi három jobbágya hat ökrének elhajtatása miatt folyó pert eldöntésre Lépes Lóránt alvajda elébe terjesztik. Nobili viro Lorando Lepes de Varaskezy vicevayvode Transsilvano domino eorum honorando Anthonius Medwes vicecornes, altér Anthonius de Gerolth et Gregorius de Néma iudices nobilium comitatus de Zolnok interiori servitium et honoris continuum incrementum. Noveritis, quod Stephanus de Dewecher cum procuratoriis literis religiosi conventus de Clusmonostra in figura nostri iudicii coram nobis astando contra Nicolaum filium Ladislai de Somkerek in iudicio quasdam literas sedis nostre propositionales, iudiciales et prorogatorias coram nobis exhibere curavit, in quarum tenoribus sic continebatur, quod idem Stephanus cum dictis procuratoriis literis contra eundem Nicolaum proposuerat eo modo, quod dictus Nicolaus filius Ladislai in estate proxima preterita tempore messionis duos (boves) Anthonii Somkereky iobagionis egregii Desev de Losonch in libera et iusta via abstulisset et abstuli fecisset potentialiter dicendo, quod ea ratione abstuleret, quia Nicolaus Balasfaluai famulus dicti Desev unum equum unius familiaris sui (efurasset) et si ille illum restitueret, etiam ipse dictos boves restitueret, et sic illos diu tenendo, quia ipse Anthonius opera sua facere non potuisset, dampna perpessus exstitisset florenos centum per centum denarios computando, cuius rationem scire (vellet) ipse Anthonius ab eodem Nicolao iuris mediante. Hoc audito ipse Nicolaus' personaliter comparuisset, sed protunc respondere non posse referasset a nobis ulteriorem terminum postulando, unde nos ad diem quindecimum duxeramus prorogandam. Item idem procurator proposuisset eo modo, quod prefatus Nicolaus filius Ladislai in dicta estate proxima preterita tempore messionis duos boves Valentini dicti Katus iobagio-