Barabás Samu: A római szent birodalmi gróf széki Teleki család oklevéltára. I. 1206–1437. (Budapest, 1895.)

dum videlicet ipsa villa fidelis nostri Frank olim vayvode nostri Transsilvani fuisset, ab ipsis quodammodo alienate et ville nostre Sarpatak vocate applicate exstitissent, supplicantes eidem celsitudini nostre humili precum cum instantia, ut quia per modum concambii nobis ipsos et dictam possessionem Gernieseg uberioris aptitudinis ac utilitatis causa appropriassemus et ipsi sub universis' et singulis conditionalium consuetudinum generibus adinstar et more aliorum villanorum nostrorum circummorantium subiacerent, ipsos in primevis ipsorum libertatibus et libertatum prerogativis gratiose conservare et terras ipsorum huiusmodi ab ipsis, ut premittitur, alienatas, tam videlicet ab ista, quam ab alia parte Morusii habitas et existentes, que ad ipsos ab antiquo spectassent, ipsis restituere et dicte possessioni nostre Gernieseg reapplicare benignius dignaremur. Nos itaque iustis et iuri consonis ipsorum supplicationibus pie inclinati cupientes, imo volentes ipsos in ipsorum libertatibus conservare, prefatas terras quocunque nominis vocabulo vocitatas ab ipsis alienatas de certa nostra scientia prefata villa nostra Sarpatak auferentes, dictis nostris fidelibus hominibus et populis de Gernieseg restituimus et reapplicavimus, imo exnunc prout extunc easdem restituimus et reapplicamus, ita tamen, quod iidem singulis iuxta primevam consuetudinem servitiorum oneribus innodati ad sedem et fórum, ad quas alias pertinuerunt, spectare et consuetudinibus ipsarum subiacere teneantur. Quocirca mandamus" universis et singulis quibus expedit presentibus et futuris, signanter nostris fidelibus populis de dicta Sarpatak firmissime edicentes, quatenus prefatos nostros homines de Gernieseg amodo et deinceps contra ipsorum libertatem nullatenus impediant et manus ipsorum a dictis terris tam ab ista, quam ab alia parte Morusii, ut prefertur, existentibus *) per celsitudinem nostram ipsis, ut premittitur, gratiose restitutis vetitas et prohibitas abstrahant ac eosdem fideles nostros homines de Gernieseg nunc in antea ipsis terris ut prius libere, quiete et pacifice uti permittant gratie nostre sub obtentu, sub harum, quibus sigil-