Barabás Samu: A római szent birodalmi gróf széki Teleki család oklevéltára. I. 1206–1437. (Budapest, 1895.)
iiov. 4. oct. 26. - 162 Religiosis viris conventui ecclesie beate Marié virginis de Kulusmunustra amicis suis Emericus voyvoda Transsilvanus et comes de Zonuk amicitiam paratam cum honore. Noveritis, quod in congregatione nostra generáli universitati nobilium et alterius cuiusvis status et conditionis hominum dicte partis Transsilvane die dominico proximo post festum Omnium Sanctorum Torde celebrata Michael crispus hospes de Bunchyda pro villicis, iuratis, hospitibus et populis de eadem Bunchyda cum procuratoriis literis nostris, iuxta continentiam literarum vestrarum citatoriarum pariter et reambulatoriarum ad nostram accedendo presentiam contra Michaelem de Lona, Nicolaum filium Koplon,*) Emericum filium Demetrii et Ladislaum filium Elie de eadem Lona easdem literas vestras reambulatorias asserendo actionem et propositionem eorundem villicorum, iuratorum et hospitum ac populorum de Bunchyda explicari in eisdem nobis presentavit inter cetera declarantes, quod cum iidem villici, iurati, hospites et populi, accepto Stephano filio Salomonis de Vyssa homine nostro et fratre Emerico sacerdote testimonio vestro ad nostram literatoriam amicabilem petitionem per vos in testimonium transmisso feria sexta proxima ante festum beatorum Simonis et Iude apostolorum nunc proxime preteritum ad faciem predicte possessionis Bunchyda, vicinis et commetaneis suis universis legitime inibi convocatis et presentibus accedendo metas eiusdem a parte possessionis Lona predicte in locis necessariis erigere voluissent, in ipsarum metarum erectionibus predicti Michael de Lona, Nicolaus filius Koplon, Emericus filius Demetrii et Ladislaus filius Elie de Lona predicta a parte eiusdem possessionis Lona vocate contradictionis velamine obviassent, quos quidem Michaelem, Nicolaum, Emericum et Ladislaum eodem die et loco iidem noster et vester homines ad presentem nostram congregationem contra annotatos hospites et populos de Bunchyda in nostram presentiam citavissent rationem contradictionis eorum reddituros; cuius contradictorie inhibitionis rationem idem Michael crispus scire volebat a nobilibus de Lona prenotatis. *) A convent jelentésében mindenütt Copplon.
