Barabás Samu: A római szent birodalmi gróf széki Teleki család oklevéltára. I. 1206–1437. (Budapest, 1895.)

XXXIII. (Váradon) 1338. febr. 16. A váradi káptalan jelenti Róbert Károlynak, hogy parancsára az erdélyi káptalan tulajdonát képező Vajasd határát megjárták ; továbbá az igeniek és krakaiak által régen elperelt Ompoiczát, Metcsdet, Abrudot és Zalathnat törvényes birtokosának, a káptalannak birtokába visszaiktatták, Excellentissimo domino suo domino Karulo dei gratia illustri regi Hungarie capitulum ecclesie Waradiensis orationes in domino debitas ac devotas cum perpetua fidelitate. Literas vestre excellentie honore quo decuit recepimus in hec verba: Karulus dei gratia rex Hungarie fidelibus suis capituli ecclesie Waradiensis salutem et gratiam. Cum nos universas particulares possessiones et terras ecclesie beati Michaelis archangeli Transsilvane ad possessiones eiusdem ecclesie capituli scilicet Woyasd, Sard autem episcopatus ipsius ecclesie vocatas ac alias ex parte prelibate possessionis Sard ad idem capitulum spectantes ab ipsa ecclesia, episcopo et capitulo per populos seu hospites de Igun in prefata possessione episcopatus, item similiter per eosdem populos et hospites de Igun et de Karakow in memorata possessione Woyasd et etiam in aliis, si in quibus iidem populi et hospites coram magistro Lamperto quondam iudice curie nostre, iuxta continentiam literarum suarum et formám ac seriem iudicii eiusdem legitime acquisitas et obtentas, et sic ad dictas nostras possessiones regales Igun et Karakow applicatas de iure ab eisdem possessionibus nostris et hospitibus auctoritate regia auferendo et removendo, cum omnibus iuribus et utilitatibus earum ipsi ecclesie Transsilvane et per consequens episcopo et capitulo eiusdem ecclesie ob spem salutis nostre et domine regine ac filiorum nostrorum, necnon causa sanitatis corporis nostri consequende, et etiam ad instantem petitionem magnifici viri Thome voyvode Transsilvani et comitis de Zonuk dilecti et fidelis proximi nostri remittendo et pariter restituendo per eundem Thomam voyvodam et vice sua ac pretextu occupationis et absentie sue per