Barabás Samu: Székely oklevéltár 1219-1776. (Budapest, 1934.)
praefatus Nicolaus de Chaak non modicam gentium suarum exercitualium quantitatem ad partes nostras Transalpinas, contra saevissimorum turcorum protunc easdem partes subintrare machinantium insultus in subsidium fidelis nostri magnifici Daan, vayvodae ipsarum partium Transalpinarum ex nostrae maiestatis mandato destinasset, annotato Ladislao dieto Forro eotunc capitaneo seu ductore huiusmodi gentium ipsius Nicolai de Chaak existente, in conflictu per eundem Daan vayvodam, tandemque similiter in alio conflictu per praefatum Nicolaum de Chaak et incolas praescriptarum partium nostrarum Transsilvanarum prope castrum Haczak cum dictis saevissimis turcis facto et inito non modicas laesiones et vulnera lethalia sufferendo, cum nonnullorum suorum carorum íratrum et familiarium caede seu morte pro nostri honoris, regnorumque nostrorum exaltatione laudabiliter exhibitis et impensis. Pro quibusquidem suis virtuosis gestis et sinceris famulatibus licet idem Ladislaus multo maioribus a nostra maiestate donis foret praerniandus, in aliqualem tamen suorum laudabilium servitiorum praemissorum recompensam volentes eidem nostro regio occurrere cum favore, ut idem Ladislaus nostram maiestatem sibi sentiat favorabiliter fore acclinatam, quandam possessionem valachalem Haporthon nominatam, in comitatu Albensi dictarum partium nostrarum Transsilvanarum habitam et existentem, quae condam filiorum Laczk de Kerekeghaz ab hac luce absque haeredum sexus masculini solatio migratorum praefuisset, ex eoque de regni nostri consuetudine ad manus nostras regias devolutam et redactam, simul cum universis et singulis suis utilitatibus et pertinentiis quibuslibet, videlicet terris arabilibus cultis et incultis, agris, pascuis, pratis, fenilibus, silvis, rubetis, nemoribus, montibus, vallibus, aquis aquarumque decursibus et generaliter quarumlibet utilitatum integritatibus ad eandem possessionem Haporthon de iure spectantibus et pertinere debentibus, sub eisdem veris metis et antiquis limitibus, quibus eadem ab olim usque modo rite tenta fuisset et possessa, ex certa nostrae Barabás: Székely Oklevéltár 4
