Lukinich Imre: Podmaniczky család oklevéltára. II. (Budapest, 1939.)

caveas et circumspieere oportet, ne una cum tuis militibus in discrimen adducere vei iacturam istorum tormentorum facias. Eam rem cum tuae fidei providentiaeque omnino committimus, ita tibi etiam mandamus, ut ne ulli periculo exponas, sed sive castrum illud expugnaveris,' sive non, statim ad Posonium reduci facias, neque ea ulterius nunc transferas, prius quam necessario subsidio ad sedandos istius coniurationis intestinos motus providere possimus, prout in continuo tractatu sumus et in diaeta Prunae, in civitate marchionatus nostri Moraviae proxime futura,

1 nihil non per commissarios nostros agemus, ut et ipsi huic malo tempestivo auxilio mederi et occurrere non omittant. Idque se facturos pláne speramus. Interea vero temporis mens et voluntas nostra est, ut omnibus módis, quos tecum ad istam expeditionem habes, gentes ita intertenere cures, ne dilabantur et quum nobiles comitatus Nitriensis adhuc nobis unam, sicutimet affirmant, dicam seu contributionem hoc anno dare tenentur, tibi itaque authoritatem et plenam potestatem per praesentes concedimus, ut eam pro expeditione ista exigas et ad intertentionem solutionemque dictorum militum convertas et inprimis efíicias, ut vei te absente, collecta manus illa simul iuncta maneat, donec de numerosioribus copiis prospiciamus, in quo singularem curam habemus et habere volumus. Nostram in his etc. Dátum Viennae, XIIII. Novembris, 1536. 1 L. I. Ferdinándnak 1536 nov. 9-i levelét. (235. sz. oki.)