Lukinich Imre: Podmaniczky család oklevéltára. II. (Budapest, 1939.)

probabili documentő, ex quo procurator magnifici domini Joannis de Podmanyn loco et in persona suprascriptorum civium oppidi Baan legitimo testimonio comprobare posse dinoscebatur, quod cives montanarum et mercatorum de Morauia, eo animo, eademque voluntate e civitate Thrinchiniensi eximerant, ut illum captivum nomine doctorem, qui in praedicto oppido •Baan certis ex causis per servitores magnifici Valentini Therek detinebatur manu potenti et violenta excipiant, iuris ordine compertum est, ut praetacti cives montanarum et Moraui super eo, quod ipsi non eo animo, neque ea voluntate cum gentibus capitanei Trinchiniensis castri ad oppidum Baan intrassent, ut illum captivum et detentum violenter excipere debuissent, neque coram ipso capitaneo de illo captivo quidpiam dixissent aut aliquam mentionem habuissent; praeterea dum idem captivus per gentes illas a capitaneo Sebastiano Ryby cum eisdem civibus montanarum et Morauiensibus missas in oppido Baan violenter excipiebatur, super eo quoque, ut nullus illorum civium montanarum et Moraworum neque ad eos pertinentes illi violenti captivi exceptioni interfuit. Et neque iidem prorsus in causa illa forent, neque occasioni illius nobilis et alterius servitoris domini Valentini Therek aliquis ex ipsis ad eos pertinentes interfuisset, et quod penitus immunes et innoxii sint: Tertio iuramentum sive sacramentum cum fidedignis hominibus, quilibet eorum mettertius in sede nostra iudiciaria coram iudicibus nobilium ad quintum decimum diem a die latae sententiae deponere debeant et teneantur. Qui si praemissum iuramentum in loco et termino illis praefixo deponerent, bene quidem, alioquin si praefatum iuramentum praemissi cives montanarum et Moraui deponere nollent, non possent, vei aliquo modo negligerent et non curarent, poenam in generáli decreto expressam contra dominum Joannem de Podmanyn et cives oppidi Baan de facto incurrunt. Et tametsi autem ratione acceptionis bonorum praefatorum civium montanarum et mercatorum Morauiensium in nominato oppido Baan eo tunc habitatorum, ex quo quod etiam comprobatum est per procuratorem praedictum domini Podmanyczky, quod gentes ipsius domini Valentini Therek universa illa