Lukinich Imre: Podmaniczky család oklevéltára. II. (Budapest, 1939.)
sive quoscunque alios, excipi et aggravari debeatur, respectu, quod coloni in extremam redacti sunt inopiam et paupertatem, ut sese facilius relevare possint. Sexto : Sacratissima Regia Maiestas ! Nos Joannem de Podmanyn, fratres nostros unacum omnibus amicis fidelibus Regiae Maiestatis existentibus et servitoribus nostris ab inimicis et impetitoribus quibuslibet protegere et gratiose defendere dignabitur et debebit. Ubi e converso, nos Joannes de Podmanyn, secundum nostrae fidelitatis exigentiam obedienter, honorifice et fideliter, instar aliorum dominorum, baronum, et regnicolarum huius regni Hungáriáé saepedictae Sacrae Regiae Maiestatis fidelium, adhaerere tenebimur. Ideo praefatus dominus Joannes Catzianner etc. in persona, auctoritate et loco praefatae Sacrae Regiae Maiestatis, Romanorum, Hungáriáé et Boemiae etc. qua in praesentiarum in regno Hungáriáé fungitur, nos Joannem de Podmanyn, unacum omnibus supradictis bonis amicis ac servitoribus nobis adhaerentibus, ad Suae Regiae Maiestatis gratiam, fidelitatemque ac tutellam et defensionem, vigore harum praesentium accepit, sub legibus et conditionibus praemissis, idque firmiter, irrevocabiliter, absque quavis adinventa occasione, bona fide christiana, honore et humanitate observare et in praemissis tueri debebit, praeterea quoque nobis, Joanni de Podmanyn, fratribus et amicis nostris litteras datae et factae gratiae Regiae Maiestatis infra spatium duorum mensium a praefata Regia Maiestate impetraret et impetratas sub praemissis conditionibus daret et reponeret. Oppidum quoque Baan cum suis pertinentiis in spacio eodem manibus nostris dare et assignare debebit et tenebitur. In cuius rei fidem et testimonium has litteras, nostra manu propria et sigillo nostro proprio communitas ipsi domino Joanni Catzianner dedimus et contulimus. Dátum in castro nostro Bystritza, vigesimo septimo die Julii, anno Domini millesimo quingentesimo tricesimo quarto. Joannes de Podmanyn manu propria. (Három pecsétnyomat.) Jegyzet: A pecsétnyomatok elmosódottak s részben töredezettek.
