Lukinich Imre: Podmaniczky család oklevéltára. II. (Budapest, 1939.)
unionem et incorporationem eiusdem Jiteris in iisdem expressatis et causis similiter in eisdem expressis procedere et eum nomine dicte ecclesie sue Nitriensis in realem, corporalem et actualem possessionem dicte ecclesie Demesiensis ponere et introducere seu poni et introduci facere dignaremur. Nos igitur de causis unionis, annexionis et incorporationis huiusmodi in ipsis literis regiis expressis plenius informati et totam notitiam habentes easque et per consequens petitiones ipsius domini Antonii episcopi supradictas justas et legitimas fore censentes, ad unionem, annexionem et incorporationem petitas duximus procedendum et processimus eandem ecclesiam cum omnibus et singulis pertinentiis ac iuribus, proventibus et emolumentis suis prelibate ecclesie Nitriensi univimus, anneximus et incorporavimus, unimusque, annectiinus et incorporamus per presentes sic et taliter : quomodo deinceps ipsa ecclesia Demesiensis cum dictis pertinentiis ac iuribus et emolumentis suis, memorate ipsius ecclesie Nitriensi censeatur et habeatur omnique eo iure et prerogativa gaudeat et potiatur, quo alia membra ipsius ecclesie Nitriensis gaudent et potiuntur, salvis dumtaxat conditionibus tam in preinsertis quam aliis literis nostris regiis, ad quas scilicet he superius inserte se referunt expressatis. Quocirca vobis venerabilibus dominis et vicario S. Georgy Martyris de viridi campo et maiori prescripte nostre Strigoniensis ecclesiarum preposito pro nunc constituto et in futurum constituendo harum serie districtius precipiendo commitimus et mandamus, quatenus acceptis presentibus ac dum et quando cum presentibus fueritis requisiti, aut alteruter vestrum fuerit requisitus, prefatum dominum Antonium episcopum seu eius procuratorem legitimum eius et dicte ecclesie sue Nitriensis nomine in et ad realem ac corporalem possessionem memorate ecclesie Demesiensis iuriumqueet pertinentiarumeiusdem ponatis et introducatis, illamque et illas cum omnibus et singulis earum fructibus, utilitatibus et emolumentis sibi et dicte ecclesie sue Nitriensi iure et titulo premissis statuatis et consignetis, ac eosdem in iisdem protegatis, tueamini et defendatis, facientes eidem domino Antonio et dicte ecclesie sue Nitriensi ac successoribus suis et
