Lukinich Imre: Podmaniczky család oklevéltára. II. (Budapest, 1939.)
serenitatis litterarum continentiam unacum prefato Georgio de Zalwze homine vestre serenitatis, nostrum hominem religiosum virum fratrem Thomam presbiterum socium nostrum conventualem ad premissa suo modo exequenda nostro pro testimonio fidedignum duximus destinandum. Qui tandem exinde ad nos reversi, nobis uniformiter retulerunt istomodo, quod ipsi feria quinta proxima post festum beati Valentini martiris nunc preteritum 1 ad facies portionum possessionariarum Klobwczycz prefatorum Clementis et Ladislai Rosen et Zlawnycza predictam annotati Martini Sándor accessissent, ibique idem homo vestre serenitatis dicto nostro testimonio presente, annotatos Clementem et Ladislaum Rosen ac Martinum Sándor ammonuisset eosdem, dixissetque et commisisset eisdem verbo vestre serenitatis, ut ipsi premisso modo levata prescripta summa peccuniarum ab ipso exponente, pro qua dicta portio possessionaria in iamfata possessione Bolessow habita apud eosdem inscripta et obligata extitisset, ad redimendum, ad seque recipiendum iuxta huius regni nostri consuetudinem eidem exponenti dare, concedereque, remittere ac resignareque debeant et teneantur. Nichilominus idem homo vestre serenitatis dicto nostro testimonio presente die eodem in eisdem portionibus possessionariis eosdem Clementem et Ladislaum Rosen ac Martinum Sándor contra annotatum Michaelem Podmanyczky ad octavas festi beati Georgii martiris nunc venturi 2 vestram personalem evocasset in presentiam rationem eiusdem reddituros. Dátum tertio die diei huiusmodi exequutionis premissorum, anno Domini millesimo quingentesimo decimo octavo suprascripto. Kívül: Personali presentie regie maiestatis pro magnifico Michaele Podmanyczky de Podmanyn contra nobiles Clementem et Ladislaum Rosen de Mytthycz et alium introscriptum ad terminum intronominatum amonitionis et evocationis relatio. A hátlap balszélén : Aperta per me magistrum Nicolaum de Milethyncz. 3 1 1518 februárius 18. 2 1518 május 1. 3 L. a 47. sz. oklevél megfelelő jegyzetét.
