Lukinich Imre: Podmaniczky család oklevéltára. I. (Budapest, 1937.)

Strechen predictum pertinens, venissent ac abinde ad idem castrum Streczen, vicinis et commetaneis eiusdem universis inibi legittime convocatis et presentibus, accedere voluissent, tunc egregius Georgius Horwath castellanus egregii Johannis Horwath de Kamythacz et domine Benigne relicte supradictorum per eosdem in dicto castro ipsorum Streczen constitutus, ibidem adherendo ex quo ad eius notitiam devenisset, mox eosdem vestre serenitatis et nostrum homines in eo, ne ipsi ad dictum castrum Streczen ac castellum Swchan, nec oppida et possessiones, cunctaque bona et iura possessionaria ad eadem castra Streczen ac fortalicium Swchan et possessiones pertinentia accedere et dictum Johannem Podmanyczky in dominium eorundem et earundem et dicti iuris vestre serenitatis regii in eisdem introducere ac eadem et easdem eidem statui debere prohibuisset, immo in personis dictorum Johannis Horwath de Kamythacz et domine Benigne relicte dominorum scilicet suorum premisse totali introductioni et statutioni fiende contradictionis velamine obviasset. Ob quam contradictionis inhibitionem idem vestre serenitatis homo, dicto nostro testimonio presente, ibidem et eodem die annotatos Johannem Horwath et dominam Benignam relictam contra prefatum Johannem Podmanyczky de Podmanyn ad octavas festi beati Georgii martiris nunc venturas vestre eiusdem serenitatis personalem evocasset in presentiam rationem contradictionis eorum reddituros efficacem. Dátum quarto die diei executionis prenotate, anno Domini supradicto.