Lukinich Imre: Podmaniczky család oklevéltára. I. (Budapest, 1937.)

scripte possessionis eiusdem Lehothka et pro prescriptis centum et vigintiquinque florenis dedisset, donasset ac in evum concambialiter permutasset et ascripsisset, Immo altér alteri modo premisso dederunt, donarunt et per modum dicte concambialis permutationis ascripserunt iure perpetuo, irrevocabiliterque, ac in sempiternum tenendas, possidendas pariter et habendas, nil iuris, nilve proprietatis et dominii in dictis possessione ac portionibus possessionariis modo premisso sibi nvicém concambialiter permutatis, sibipsis ac heredibus eorum reservando, sed totum et omne ius ipsorum proprium omnemque iuris et dominii proprietatem, quod et quam ipse partes in pretactis possessione et portionibus possessionariis modo premisso vicissim concambialiter permutatis haberent, aut in futurum habere sperarent quoquomodo, vigore dicte concambialis permutationis in alterutrum transtulissent pleno iure. Assumentes nichilominus partes prenotate sese mutuo et alternatim ac cunctos earum heredes, idem etiam Ladislaus de Prechyn oneribus sub premissis in se ipsum modo premisso levatis, in pacifico dominio prescriptarum possessionis Lehothka ac portionum possessionariarum, necnon earundem cunctarum utilitatum et pertinentiarum per easdem partes sibi ipsis, ut prefertur, datarum, donatarumque et concambialiter permutatarum, contra quoslibet legitimos impetitores, causidicos et actores propriis suis laboribus et expensis tueri, protegere et defensare, hoc adiecto et specialiter declarato, quod si divino volente iudicio, cuius nutu cuncta reguntur, prefatum Ladislaum de Prechyn et dictos filios eiusdem ab hac luce absque heredum solatio decedere contigerit, extunc prescripta possessio Lehothka per dictum Johannem Podmanyczky eidem Ladislao de Prechyn et dictis filiis eiusdem modo premisso data et concambialiter permutata, solum vigore presentium pure et simpliciter ac omni eo iure, quo per eundem Johannem Podmanyczky hactenus tenta fuisset et possessa, in eundem Johannem Podmanyczky, ac heredes et posteritates eiusdem in perpetuum condescendi deberet et derivari ipso facto, harum nostrarum, quibus sigillum nostrum, quo ut rex Hungarie in iudiciis utimur, est